Ovddeš čájáhusat

2.10.2023–28.1.2024

Govvadáiddár, mánáidgirječálli ja ráidogovvasárgu Ninka Reittu lea čállán ja sárgon govaid viđa mánáid máidnasii vánddardanetikeahtas. Máidnasiid mihttomearri lea movttiidahttit mánáid lundui ja seammás muitalit, mo luonddus galgá lihkadit gudnejahttimiin luonddu ja nuppiid vánddardeaddjiid. Máidnasiid leat jorgalan maiddái sámegielaide.

6.2.-24.9.2023

Sámi nissoniid bivnnut ja čalbmáičuohcci gahpir 1700- ja 1800-loguin; gildojuvvon, vajáldahttojuvvon ja jávkan 1800- ja 1900-loguin; ealáskahttojuvvon ja fámuid alde 2000-logus.

1.6.2022-29.1.2023

Čájáhus govvida sámedáidaga mihtilmasvuođaid 1930-logus gitta 2000-logu álgui. Sámekultuvrra professor Veli-Pekka Lehtola lea kurateren čájáhusa, mii lea čohkkejuvvon Johtti Sápmelaččat -searvvi ja Sámemusea Siidda buktosiin.

1.6.2022 - 17.1.2023

Mu áiggis, du báikkis -čájáhusa duojit gieđahallet gaskavuođa báikái ja birrasii, mas davvi luondu ja boazodoallokultuvra leat lávga mielde. Duojit leat gággá ja báhpára ala dahkkon muitalusat, main ovttastuvvet oidnojuvvon ja gullojuvvon, vásihuvvon ja govahallon.

6.2. - 4.10.2020

Sámemusea Siidda pop-up -čájáhus ovdanbuktá Sámemusea čoakkáldagaid dávviriid, maid Metropolia ámmátallaskuvlla konserverema dutkkusprográmma studeanttat konserverejedje čakčat 2019 eamiálbmogiid dávviriid konserverenkurssa olis.

8.6. – 27.9.2020

Deatnu, Sámi rávdnji, lea badjel 200 kilomehtera guhkku. Dat álgá Gáregasnjárggas ja nohká Norgga beallái Deanuvuona roamššas eanadagaide, gos dat golgá Jiekŋameara báruide. Deatnu earuha Norgga ja Suoma stáhtaid ja ovttastahttá sámi álbmoga joga goappat bealde.

10.10.2019 - 10.05.2020

Makkár lea olbmo ja ealli gaskavuohta davvi luonddus? Maid oaidnit dahje mii mis báhcá fuomáškeahttá, go geahččat meahci ealliid? Anárlaš dáiddára Sirpa Mänty čájáhusas geahčči fievrriduvvo smiehttat mearkkašumiid olbmo ja meahci ealliid oktasaš- ja bálddalašeallimis, seammasullasašvuođain ja ránnjávuođain.

17.11.2019 - 3.5.2020

Čájáhus veahkeha geahčči ovttastahttit jo gávdnomis lean dieđu Suoma dálvvis, dan ealliin ja eanadagas dihtui boahttevaččas, ja oaidnit dálkkádaga liegganeamis boahtán nuppástusaid davvi dálvvis.

14.06.2019 - 19.04.2020

”Toovláš já tááláš anarâš kietâtyeji” lii vuossâmuš tuš anarâš kietâtyejiáárbán vuáijoo museočáitáldâh. Čáitáldâh puáhtá oovdân maaŋgâpiälásávt anarâšâi puáris já uđđâ kietâtuojijd já tuoijum vuovijd. Čáitálduv pyevtit Säämimuseo Siida já tom lekkih 14.6.2019.

17.04. - 27.10.2019

Árktalaš niegut -čájáhus oahpásmuhttá davviguovllu turismii ja arkitektuvrii 1930–50-logu Suomas. Čájáhus muitala Lappi hoteallaid ja guosseviesuid bokte Suoma sisriikkalaš turismma ovdáneamis ja das mo riikkaidgaskasaš ja álbmotlaš váikkuhusat oidnojedje jábálduvvi riikkas.

27.3.2018-28.4.2019

Sámemusea Siidda 20-jagi ávvučájáhus muitala Johan Nuorgam birra. Johan Nuorgam (1910-1978) lei sámi kultuvrra gaskkusteaddji, árraáiggiid kulturofelaš. Son lei Idjajávrris eret ja son dovddai sámi árbevieru ja sámegiela ja máŋggat dutkit geavahedje su diehtogáldun. Son lei 1930-logus ofelažžan Álbmotmusea Seurasaari olgomuseas ja čokkii ieš maid diŋggaid ja dávviriid. Son lei doaimmaheaddji, politihkár ja kulturalmmái, gii 1950-logu loahpas vuođđudii Anára sámemusea.

21.1.–28.4.2021

Sámemusea Siida molsašuddi čájáhus “Ipmila mánát” rahpasa 21.1.2021. Čájáhus lea Maarit Magga duoji nákkusdutkamuša dáiddalaš produkšuvnna nubbi oassi, man son dahká Lappi universitehta dáidagiid dieđagoddái. Magga bargá duoji stipendiáhttan Sámi Allaskuvllas.  

8.10.2020 – 28.4.2021

Sámemusea Siida molsašuddi čájáhus Sámi seremoniijat – Saamelaiset seremoniat čuovvu Maarit Magga ráhkkaneami eadnin ja duojárin sogas seremoniijaide, konfirmašuvdnii ja gásttašeapmái, duodjekultuvrra bokte. Máinnas ovdána máŋgga dásis: mielde leat duoji lassin sámi árvvut, máilmmioaidnu ja vuohkekultuvrra sihke silolašvuohta ja vuoiŋŋalašvuohta.

1.7.2020 – 25.4.2021

Sámi gávcci jagiáiggi buktet maiddái čuovgagovvejeaddjái fiinna vejolašvuođaid eallit árktalaš vilda čuovgga máilmmis. Geasi nogakeahtes čuovgga vuostebeallin skábmaáigge hearkkes pasteallaivnnit ja čavčča ivdnečuvgesvuohta leat geasuhan miela álo. Lappi guovllu olmmoš lea juohkán doaimmas áiddo sierra jagiáiggiid mielde.

15.10.2020 - 29.4.2021

Sámemusea Siidda pop-up-čájáhus čájeha hutkái ja iskkadeaddji duodječeahppi Karen Jomppanen (1923–1996) duodječoakkáldaga. Karen Jomppanen árbbolaččat skeŋkejedje Karena duodječoakkáldaga oassin Sámemusea čoakkáldagaid 30.9.2020.

23.6.2020 - 30.4.2021

Sámemusea Siidda molsašuddi čuovgagovvačájáhus “Albmo olbmot” stelle oaidninláhkái Pekka Sammallahti čáhppesvilges čuovgagovaid davvi olbmuin sin árgabeaivvi birrasiin čieža sierra jahkelogus, gitta 1960-logu rájes. Guovddážis leat Deanu čázádaga ássit, muhto govat leat maiddái Anáris, Eanodagas, Soađegilis, Gárasavvonis, Jielleváris, Várjjagis ja Álaheaivuonas. Čájáhusa namma speadjalastá eamiálbmogiid vuogi gohčodit iežaset olbmui albma olmmožin.