Sámi duodjejagi loahppageasi bargguide gullá gámasuinniid čuohppan. Gámasuoinnit čuhppojuvvojit ájaguoraid suovkkain. Muorjeáigge čoggojuvvojit luopmánat, sarridat, čáhppesmuorjjit ja ehtemasat, ja maŋŋelis vel jogŋejuvvo. Njálgga luomi lea davvimáilmmi árvomuorji, mii láddá borgemánus.

Bohccot leat hui váibmilat guobbariidda. Buorre guopparšaddu ii leat dušše veahkeheamen bohccuid ceavzit badjel dálvvi muhto dat váikkuha maiddái maŋit giđa guottehii. “Elokuu” lea davvisámegillii borgemánnu, dahjege bohccuid ”ođđaguolggamánnu”.

Čuovgga meari geahppáneapmi muitala šattuide ja ealliide lahkoneaddji dálvvis. Ruški, čavčča ivdnevallji, lea okta goargadeamos luonddučájálmasain ja mihtilmas mearka šattuid ráhkkaneamis ođđa dálvvi várás: šattut vurkejit eallindehálaš lastaruotnasa eará osiide, goas lastta eará ivdneávdnasat besset bures oidnosii.