Ovdasiidu / Čájáhusat / Mannan čájáhusat / Árktalaš mielladuovdagat

Árktalaš mielladuovdagat

Àrktalaš guovlluide lea oktasaš viiddes oidnosat ja vel measta guoskameahttun luondu. Olmmoš lea juo áigá ássan oassái daid oidnosiin, vuogáiduvvan molšasuddi čuvgii ja šaddan oassin árktalaš mielladuovdagii. Pekka Sammallahti čuovgagovvačájáhusas leat ovdan bottut arktalaš guovlus.

Goas
11.10.2013
Juohke vahku 08.02.2014 rádjái
Oktavuođaolbmo namma Pasi Nivasalo
Contact Email
Oktavuođaolbmo telefonnummir 0205 64 7749
lasit dáhpáhusa kaleanddarii vCal
iCal

Pekka Sammallahti lea dovddus earenomášiid su barggu sámegielat ja -kultuvrra surggiin. Son lea Oulu universiteahta emeritusprofessor, ja lea ain nana váikkuheaddji sámegielaid buorrin. Sammallahti eanamus dovddus girjjit leat su sámegielat sátnegirjjit. Son lea eret Helssegis, muhto orru dál árktalaš guovllus, Veahčahis Ohcejogas.

Dál Sammallahti váldá háldosis ođđa suorggi, go son bidjá ovdan iežas vuosttaš čuovgagovvačájáhusa Meahciráđđehusa luondduguovddáš Siiddas. Arktalaš mielladuovdagat lea vuosttaš Sammallahti ieš govven čuovgagovaidčájáhus, sus lea ovdal leamašan muhtun oktonas čuovgagovvat olgoriikka galleriijain. Su vieljas Pentti Sammallahtis lea šaddan dovddus ǧuovgagovvedeadji, ja son lea leamaš mielde čájáhusa dáhkamis.

Árktalaš mielladuovdagat – čájáhusas leat badjel čuođi čuovgagova, oassi čáhppesvielgadat, oassi ivdnegovat. Čáhppesvielges govaide Sammallahti lea lihkostuvvan vurket árktalaš guovllu skábma eatnamat earálágan suoivaniid.

-Čáhppesvielgat govat addet eanet saji geahčči miellagovahussii, Sammallahti dadjá.

Čájáhusas leat mielde govaid máŋgga logijagiin, boarrásepmot leat 1970-logus. Čájáhusa govaid ovttastahttá davvi govvenbáiki, buot leat váldon árktalaš guovluin: Sámis, Alaskas ja Svalbárddas. Govain leat oidnosiid lassin maid olbmot, geat eallit davvi guovlus, ja geat leat vuogáiduvvan eallimii árktalaš guovllus.

-Mu mielaš buorre govaid oažžot, ii váldde. Sáhttá váldit ráiddu govaid, muhto dakkár govaid, mas leat lihkostuvvan vurket almmi ja oidnosa juste dan rievttes bottus, daid govaid don oažžot, Sammallahti muitala. –Dasto álo jerrojuvvoge ”ožžotgo buorre govaid” iige ”váldetgo buorre govaid”.

Pekka Sammallahti lea viggan juksat arktalaš mielladuovdaga. Dan oainnu, mii čuovgga ja suoivana ja jagiáiggi molsasumis, ja oidnosiid ivnniin leat skápmas ealli olbmoide oahpásat. Suomas váldon govain leat váldoáššis Ohcejoga guovllus, Sammallahti dáláš ruovttugilis.

Pekka Sammallahti čuogagovvačájáhus Árktalaš mielladuovdagat lea Siiddas 12.10.2013-9.2.2014. Siida lea rabas dálviáigge 10-17 maŋŋebárggas sontebeaivvái, vuossárgaid dat lea gitta.

Lassidieđut:
Pekka Sammallahti, lintula(a)dekstor.inet.fi
Pasi Nivasalo, pasi.nivasalo(a)metsa.fi

Subscription URL: http://siida.fi/sisdoallu/cajahusat/mannan-jhusat/arktala-mielladuovdagat/icalendar_export_event
Document Actions
Sisdoallu
 

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari