Ovdasiidu / Čájáhusat / Mannan čájáhusat / Berit Marit Hætta bivttashábmemat Beaivváš-teáhtera čájálmasaide

Berit Marit Hætta bivttashábmemat Beaivváš-teáhtera čájálmasaide

Guovdageainnus Norggas doaibmi Beaivváš Sámi Našunálateahter lea juo 30 jagi áigge gáhtten čájálmasaidisguin sámi muitalanárbbi ja sámegiela. Sámemusea Siidii ceggejuvvon ávvučájáhusas leat ovdan Berit Marit Hætta bivttashábmemat Beaivváš-teáhtera čájálmasain Faust, Hamlet, Nikio, Allaq ja Ridn’oaivi ja nieguid oaidni.

Goas
Gaskavahkku 30. Skábmamánnuta 2011, 09.22
Oktavuođaolbmo namma Sámemusea Siida
Contact Email
Oktavuođaolbmo telefonnummir +358 (0)400 898 212
lasit dáhpáhusa kaleanddarii vCal
iCal

Sámeteáhtera ulbmilin lea álggu rájes leamaš gáhttet sámegiela ja nannet sámeidentitehta. Beaivváš lea oahpásmuhttán sámiid máilmmi sierra teáhtervugiide, dego eurohpálaš ja japanálaš teáhterárbái. Nana visuálalaš muitaleami vuođul dat lea ovddidan teáhtergiela maiddái dakkáriid várás, geat eai ádde sámegiela dahje dovdda sámekultuvrra.

Sámiid iežaset muitalusaid lassin teáhter lea ovdanbuktán maiddái riikkaidgaskasaš teáhterklassihkkáriid. Nuba ovdanmearkka dihte Hamlet ja Faust leat heivehuvvon sámegillii. Beaivváš-teáhter lea geavahan hui valjis musihka, erenoamážit luođi iežas čájálmasain. Das lea leamaš maiddái nana visuálalaš ovdanbuktinvuohki, mii lea ožžojuvvon áigái bivttashábmema, lávdelágideami ja čuovgageavaheami vugiiguin.  Beaivváš-teáhter lea šaddan dovddusin maiddái iežas olgočájálmasain, main erenoamážit Čohkkira jieŋa ala ceggejuvvon IceGlobe-teáhtera Shakespeare-heiveheamit ožžo riikkaidgaskasaš fuopmášumi.

Beaivváš-teáhtera bivttashábmemis vulgojuvvo  árbevirolaš gákteduddjonvierus, muhto plánemii lea váikkuhan muhtun muddui maiddái eará álgoálbmogiid bivttasárbi. Jagi 1993 rájes teáhterii  gárvvuid plánen Berit Marit Hætta lea duojár, govvadáiddár, govvejeaddji ja bivttashábmejeaddji. Hætta lea govven logiid sámegielat mánáidgirjjiid, skuvlagirjjiid ja diktagirjjiid sihke dahkan olggošgovaid ja eará gráfalaš plánenbargguid. 2000:s Berit Marit Hætta ja govvočuolli-lávdelágideaddji Aage Gaup juogadeigga norgalaš Hedda -teáhterbálkkašumi buoremus bivttasteamis ja lávdelágideamis Beaivváš-teáhtera olgočájálmasas The Lay of Volund. Buot teáhtergárvvuid, mat leat dál Siiddas ovdan, lea plánen  Berit Marit Hætta.

Sámemusea Siida lea ollašuhttán čájáhusa ovttasráđiid Beaivváš-teáhteriin ja  Giellagas-instituhtain (Oulu allaoahpahat). Čájáhussii gullá 60-siidosaš sáme-, suoma- ja eaŋgalsgielat preanttus, man teavsttain vástideaba sámekultuvrra professor Veli-Pekka Lehtola ja artenoma-dutki Sigga-Marja Magga. Prentosa doadjimis ja čájáhusplánemis lea vástidan Hannu Tikkanen. Čájáhusa vástideaddji buvttadeaddjin lea Sámemusea Siidda intendeanta Arja Hartikainen.

Siida lea rabas 1.6.-19.9. beaivválaččat diibmu 9-20 ja 20.9. rájes maŋŋebárggas sotnabeaivái  diibmu 10-17. Buresboahtin oahpásmuvvat sámekultuvrii!

Lassedieđut ja preassagovat:
Intendeanta Arja Hartikainen, tel. 040 579 3313,arja.hartikainen(at)samimuseum.fi
Jođiheaddji Haukur J. Gunnarsson,Beaivváš Sámi Našunála Teáhter, tel. +47 995 62 249, haukur.gunnarsson(at)beaivvas.fi

Lassedieđut dán dáhpáhusas...

Subscription URL: http://siida.fi/sisdoallu/cajahusat/mannan-jhusat/beaivv-2013-smi-tehter/icalendar_export_event
Document Actions
Sisdoallu
 

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari