Ovdasiidu / Čájáhusat / Mannan čájáhusat / Dálvvi sáŋgárat – Arktalaš lottit davvin Suomas ja Várjjagis

Dálvvi sáŋgárat – Arktalaš lottit davvin Suomas ja Várjjagis

Loddegovvejeaddji Markus Varesvuo gullá Eurohpá luondogovvejeaddjiid njunušjovkui. Varesvuo lea measta eallinagi beroštan lottiin. Son lea čuvvon lottiid, dovdá bures loddešlájaid ja daid láhttema. Son lea lagabui golbmalot jagi govven lottiid ja lea dán maŋimuš logi jagi dadjat juo beaivválaččat buđaldan loddegovvejeaddjin, mii lea dahkan sus riikkaidgaskasaččat dovddus ja árvvusadnojuvvon ámmátolbmo loddegovvemis.

Goas
12.02.2015
Juohke vahku 19.04.2015 rádjái
Oktavuođaolbmo namma Luondduguovddáš Siida
Contact Email
Oktavuođaolbmo telefonnummir +358 (0)205 64 7740
lasit dáhpáhusa kaleanddarii vCal
iCal

Lottit geasuhit. Dat leat almmi hearrát ja fárrema meaštárat sihke ceavzima sáŋgárat, main máŋggat šaddet birgehallat davvin badjel dálvvi. Miljovnnaid jagiid guhkkosaš mátki dinosaurusis lottelágan sivdnádussan lea imašlaš muitalus. Ja diet álgoloddi lea dasto sierranan lohkameahttun šlájaide. Lottiid riegádanhistorjá sáhttá buresge gilvahit Homo sapiensa gelddolaš ovdánanhistorjjáin.

Davviguovlluid dálvi lea goavis. Lottit šaddet ceavzit badjel sevdnjes, galbma ja guhkes dálvvi, goas biebmu ja orrunsuojit leat vánis. Njulgestaga imaš orru, manin buot davviguovlluid lottit eai fárre lullelii muhto báhcet jalges duoddariidda ja áibmadas mehciide giinnahallat iežaset galbma ja goalus eallinbirrasii. Dain loddešlájain, mat orrot dáin guovlluin badjel dálvvi, leat iežaset ceavzinvuogit.

Luondogovvejeaddjái dálvi lea fiinna áigodat. Davvimáilmmi govvejeaddjái oanehis beaivečuovga heive hui bures dálveguovdil, goas beaivváža suotnjaraččat deivet vitnjalassii eanagierragii ja dagahit máŋggalágan herves čuovgaihtagiid. Nubbi buorre govvenáigodat lea giđđadálvvi čuovgavalji áigi.

Varesvuo viggá čuovgagovaiguin vurket daid čáppa, gelddolaš ja geasuheaddji bottožiid, maid olmmoš sáhttá vásihit lottiid searvvis daid lunddolaš birrasis. Dieid govaid duogážis leat gierdavaš vuorddašeamit, goavis luonddudilálašvuođat, eahpelihkostuvvan govvenreaissut ja massojuvvon govvendilálašvuođat. Seammaláhkai sáhttá dadjat maiddái lottiin – iige daidge eallin leat álo seamma čáppis ja geasuheaddji dego čuovgagovaid vuođul sáhtášii gáddit.  

Govva: Láŋgámoahti Čoarvesullos Davvi-Norggas. Dáinna govain Markus Varesvuo šattai nubbin World Press Photo -gilvvus ovttaskas luondogovaid luohkás 2014:s.

Subscription URL: http://siida.fi/sisdoallu/cajahusat/mannan-jhusat/dlvvi-sgrat-2013-arktala-lottit-davvin-suomas-ja-vrjjagis/icalendar_export_event
Document Actions
Sisdoallu
 

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari