Ovdasiidu / Čájáhusat / Mannan čájáhusat / Duoddara álbmot – Njenecaid kultuvra

Duoddara álbmot – Njenecaid kultuvra

Duoddara álbmot -čájáhus muitala Davvi-Ruošša njenecaid kultuvrras. Duoddaris ássi njenecaid árbevirolaš ealáhusain deháleamos lea leamaš boazodoallu. Bohccuiguin johtin lea sakka váikkuhan njenecaid ávnnaslaš ja vuoiŋŋalaš kultuvrii.

Goas
14.02.2013
Juohke vahku 26.05.2013 rádjái
Oktavuođaolbmo namma Sámemusea Siida
Contact Email
Oktavuođaolbmo telefonnummir +358 (0)400 898 212
lasit dáhpáhusa kaleanddarii vCal
iCal

Njenecaid ássanguovllut leat Davvi-Ruoššas Vilgesmearas nuorttas gitta Taimyrnjárgga nuortaosiide Arhangelska guovllu ja Jeniseieanu gaskasaš viiddis avádagas.  Jagi 2010 olmmošlohkama mielde njenecaid mearrin árvaluvvui 44 640. Njenecain sullii bealli hállet eatnigiellan njenecagiela. Njenecat leat stuorámus olmmošjoavku Ruošša ng. uhca álgoálbmogiin.

Njenecat bargagohte stuorraboazodoaluin maŋimustá 1700-logus. Njenecaid árbevirolaš servodatortnet lea vuođđuduvvan ovtta soga dievdduid ja sin guimmiid hábmen boazosiidii. Sovjetlihtu áigge njenecaid eallin rievddai máŋggaláhkai boazodoalu kollektiviserema dihte.  Bohccuiguin bargojuvvo dán áigge dábálepmosit sohkagottis čohkiidan boazodoalloprikáhtas.  Dán áigge dušše oassi njenecain ellet ng. árbevirolaš eallima ja ožžot áigáiboađuset boazodoalus. Njenecaid kultuvrra boahtteáigi lea buorre muddui arktalaš guovlluid boahtteáiggi duohken. Sin kultuvrra leat áitimin árbevirolaš ássanguovlluide čuohcci luondduriggodagaid geavaheapmi, erenoamážit gássa- ja oljoindustriija sihke dálkkádaga liegganeami dagahan nuppástusat luonddubirrasis.

Siidda čájáhusas leat ovdan ee. njenecaid fiinna bohccoguolgaduojit, dego panitsat ja malitsat, dievdduid ja nissoniid dálvedorkkat, stevvelat, lávkkat ja seahkat sihke beaivválaš eallimii gullevaš atnubiergasat, dego bargoneavvut, lihtit ja duhkorasat.

Duoddara álbmot -čájáhusa leaba buvttadan searválagaid Njeneca oaivegávpogis Narjan-Maris doaibmi Njenecia báikkálašárbbi musea ja Sámemusea Siida. Sámemusea Siidda čájáhus fas lea leamaš ovdan Narjan-Mari museas čakčamánu 2012 rájes gitta guovvamánnui 2013. Čájáhuslonohallan lea dáhpáhuvvan Sámi Oahpahusguovddáža jođihan Néda – Davviguovlluid álgoálbmogiid kulturturismafitnu olis (Culture Tourism Project of the Indigenous Peoples of the North 2010 - 2013). Fidnu ruhtaduvvo EU:a Kolarctic ENPI CBC-prográmma váriiguin.

Duoddara álbmot -čájáhus lea oaidninláhkai 15.2. - 26.5.2013. Siida lea rabas ma - be diibmu 10 - 17.

Lassedieđut:
Intendeanta Arja Jomppanen, tel. 040 579 3313,  arja.jomppanen(at)samimuseum.fi
Čájáhusa preassagovaid sáhttá luđet Siidda ruovttusiidduin Mediagovvabáŋkkus.
Néda Ordym -fitnu ruovttusiiddut: http://www.nédaordym.fi

Neda Logos

Subscription URL: http://siida.fi/sisdoallu/cajahusat/mannan-jhusat/duoddara-lbmot-2013-njenecaid-kultuvra/icalendar_export_event
Document Actions
Sisdoallu
 

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari