Ovdasiidu / Čájáhusat / Mannan čájáhusat / Jiekŋameara gáttiin

Jiekŋameara gáttiin

Čuovgagovvačájáhusas boahtá ovdan eallin eatnamis ja mearas Norgga Várjavuona ja Oardavuona gáttiin. Čájáhus lea maiddái gudnečájeheapmi diafilbmii ja vuogádatkameraide. Avvillaš biologiija oahpaheaddji Esko Sirjola lea vánddardan Finnmárkkus 1970-logu álggu rájes. Luonddugovven lea leamaš Sirjola mielamiel áiggeádji, muhto dat lea leamaš ávkin maiddái su oahpahanbarggus. Ordnejeaddji: Meahciráđđehusa luondduguovddáš

Goas
03.06.2010
nohká
26.09.2010
Oktavuođaolbmo namma Riina Tervo
Contact Email
Oktavuođaolbmo telefonnummir +358 (0)205 64 7748
lasit dáhpáhusa kaleanddarii vCal
iCal

Jiekŋameara gáddi, nubbi máilbmi, lea sullii golmma diimmu vuodjinmátkki duohken Anára Siiddas. Jiekŋamearra lea guhká geasuhan Esko Sirjola. Son lea vánddardan Finnmárkku riddoduovdagiin ja govven dáid guovlluid mihtilmas ealánšlájaid. Son lohká ahte sus šaddá ođđa olmmoš mearragáttis - dego álkit livččii vuoigŋat. Jiekŋameara gáttiid luomusvuohta ja geasuheaddji čábbodat bohtet bures ovdan Sirjola miellagiddevaš ja dovdduidečuohcci čuovgagovain. Jiekŋameara gáttiin -čuovgagovvačájáhus rahppojuvvo Siiddas bearjadaga 4.6.2010.

Makkár jurdagiid Jiekŋamearra bohciidahttá mis? Dorski ja bivdofatnasat, loddevárit, vuonat… Jiekŋameara gáttiin -čájáhusas guovddážis leat Jiekŋameara duovdagat ja riddoguovlluid ealánšlájat. Čuovgagovvejeaddji-biologa ii oainne meara ja rittu dušše ekosystemaid ja šlájaid vuorrováikkuhussan muhto maiddái sivva- ja čuovvumušgaskavuohtan. Dát jurddašanvuohki vuhtto čielgasit čájáhusas, ja olmmoš dego rohttejuvvo Jiekŋameara imašlaš luonddu čiegusvuođaide. Luonddu- ja šládjadovdamuša buorideapmi lea Jiekŋameara gáttiin -čájáhusa oktan vuođđoárvun ja seammás geahčči beassá oahpásmuvvat dáiddalaš čuovgagovaide.

Čájáhus lea maiddái gudnečájeheapmi árbevirolaš govvenapparáhtii ja diafilmmaide: 30-jahkásaš govvenapparáhta doaibmá ainge, ja govvejeaddji govve ainge diafilbmii. Dajahusa mielde áigi golle muittuid, ja dan seammá áigi dahká maiddái filbmii vurkejuvvon čuovgagovaide. Áigi lea litnásit guoskkahastán govaid ivdnemáilmmi ja bohciidahttán das oidnosii nostalgiijalaš lassedovdduid. Govat eai leat maŋálgihtii duohtaduvvon muhto leat eakti vurkemat luonddus ja dan detáljain.

Esko Sirjola lea bargan biologiija oahpaheaddjin muhto lea dál ealáhagas. Su čuovgagovvemis lea čielga oahpahanulbmil: su govaid bokte máŋggas Avvila badjedási ja logahaga oahppiin leat vuđoleappot oahpásmuvvan meara ja rittu šlájaide. Sirjola lea iežas barggu lassin ovddidan luonddusuodjaleami Anára gielddas. Son lea leamaš viššalit mielde Inarin luonnonystävät ry:s, Suoma luonddusuodjalanlihtu báikkálašsearvvis.

Jiekŋameara gáttiin -čuovgagovvačájáhusa lágida Luondduguovddáš Siida. Čájáhus lea oaidnimis Siiddas 4.6.–26.9.2010. Geassebaji áigge 1.6.–19.9 Siida lea rabas beaivválaččat dbm 9-20. Dálvebaji áigge 20.9. rájes Siida lea rabas maŋŋebárggas sotnabeaivái dbm 10-17, vuossasárggaid Siida lea gitta. 

Lassedieđut:
spesiálaplánejeaddji Riina Tervo, Luondduguovddáš Siida, tel. 0205 64 7748, šleađgap. riina.tervo(at)metsa.fi


 

Subscription URL: http://siida.fi/sisdoallu/cajahusat/mannan-jhusat/jiekngameara-gattiin/icalendar_export_event
Document Actions
Sisdoallu
 

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari