Ovdasiidu / Čájáhusat / Mannan čájáhusat / "Loddi – oro bottoža dies"

"Loddi – oro bottoža dies"

Kati Laitinena ja Korinna Korsström-Magga dáiddačájáhusas loddefáddá guorahallo ovdagáttuid haga ja roahkkadit moanaid materiálaid ja teknihkaid vuođul. ”Loddi, oro bottoža dies” -čájáhus oktan jienaiguin, čuovggaiguin, govvačullosiiguin ja máladujiiguin buktá lottiid geahčči lahka ja bohciidahttá sus máŋggalágan jurdagiid soajálaččaid eallimis. Loddefáttá bokte dáiddárguovttos buktiba geahčči olámuddui luonddu lagasvuođa ja maiddái jurdagiid olmmošvuođaš ja eallimis. Dasa lassin čájáhusas boahtá ovdan govvadáidaga rikkis teknihkka- ja máhttovallji.

Goas
14.10.2010
nohká
23.01.2011
Oktavuođaolbmo namma Pasi Nivasalo
Contact Email
Oktavuođaolbmo telefonnummir +358 (0)205 64 7749
lasit dáhpáhusa kaleanddarii vCal
iCal

Kati ja Korinna ulbmilin lea buktit dáidaga olbmuid lusa. Dáidda jurddašuvvo dávjá ollu váddáseabbon go dat rievtti mielde lea. Iešalddes dáidaga sáhttá oaidnit govvagiellan, man buohkat áddejit giella-, kultur- dahje báikkálašearuin fuolakeahttá. Anára gieldda oahppit leat buresboahtán oassálastit dáidda- ja birasbargobájiide, mat lágiduvvojit čájáhusa oktavuođas. Maiddái Anára rávesolbmuidskuvlla dáiddagurssaid bokte lea vejolaš oahpásmuvvat dán čájáhussii dáiddárguoktá láidesteami vuođul. 

Loddi, oro bottoža dies -čájáhus vuođđuduvvá guhkás Kati ja Korinna eallimii davviluonddus. Guktot dáiddárat leaba olggobealde fárren Lappii, mas lea šaddan dasto sudno ruoktu 1990-logu álggus. Kati lea eret Kerimäkis ja Korinna ruohttasat fas leat Korppoos. Luondu lea sudnuide dehálaš ja ráhkis: dat gullá diehttalas oassin sudno eallimii ja dat vuhtto maiddái sudno dujiin sihke dáiddárin ja Anára rávesolbmuidskuvlla oahpaheaddjin.

Kati Laitinen lea ožžon oahpu porsliidnamálemii. Dán govvadáiddasuorgái son lei oahpásmuvvagoahtán  juo vuollel logejahkásažžan eatnis geahču vuolde. Sutnje riegádii maiddái nana oktavuohta lundui, go sin bearaš ásai eanadálus ja orodii ain geassestobus Punkaharjus.  Maŋŋelis porsliidnamálemis šattai su eallinvuohki.Ámmátmáhtolaš porsliidnamálenmeaštáriid bagadallama bokte Kati lea gávdnan iežas vuogi málet. Su dujiin vuhttojit sierralágan teknihkat ja máŋggatbealat ja viiddis máhttu. Jurddašit dávjá ahte porsliinamálemat leat uhcit ja hui dárkilit dahkkojuvvon, muhto Kati čájeha čájáhusgussiide ođđa vugiid lahkonit govvadáidaga porsliidnamálema bokte.

Korinna Korsström-Magga oahpai govvadáiddárin Helssega Friddja Dáiddaskuvllas. Son lea uhccivuođa rájes háliidan dáiddárin. Dáidda lea álo leamaš mielde sin bearraša eallimis ja dát bealli lea oahpahan su jáhkkit dáidaga dehálašvuhtii.  Korinna gárvvásmuvai govvadáiddaoahpaheaddjin Lappi allaoahpagas 2008:s. Govvadáiddalohkamiid bokte Korinna lea gávdnan iežas dáidagii ođđa teknihkaid ja dimenšuvnnaid. Luonddumateriálat geasuhit, ja dáiddadujiid plánen ja ollašuhttin addá sutnje hui ollu. Installašuvnnaid lassin Korinna láve málet ja sárgut. Su dáidda riegáda guđege jurdagii dahje fáddái heivvolaš  materiála vuođul. 

”Loddi, oro bottoža dies” -čájáhus lea ovdan Siiddas 15.10.2010 – 23.1.2011. Čájáhusa lágida Meahciráđđehusa Luondduguovddáš.

Lassidieđut:
- Korinna Korsström-Magga, tel.int. +358 (0)40 574 9875, šleađgap. korinna.km(at)gmail.com
- Kati Laitinen, tel.int. +358 (0)50 441 1304, šleađgap. katilaitiska(at)gmail.com
- Spesiálaplánejeaddji Pasi Nivasalo, Luondduguovddáš Siida, tel.int. +358 (0)205 64 7748, šleađgap. pasi.nivasalo(at)metsa.fi

Subscription URL: http://siida.fi/sisdoallu/cajahusat/mannan-jhusat/loddi-2013-oro-bottoza-dies/icalendar_export_event
Document Actions
Sisdoallu
 

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari