Ovdasiidu / Čájáhusat / Mannan čájáhusat / Mapuche – Chile ealli ruohttasat

Mapuche – Chile ealli ruohttasat

Johtti čájáhusas beassá oahpásmuvvat Chile álgoálbmoga, mapuche-indiánaid, ávnnaslaš kultuvrra riggodahkii. Čájáhusas leat ovdan sihke árbevirolaš šamánalaš oskui sihke beaivválaš doaimmaide guoskevaš dávvirat. Mapuche-kultuvrra visuálalaš riggodagas muitalit ee. nissonolbmuid fiinna silbačiŋat ja dáiddolaš tekstiillat.

Goas
17.02.2012
nohká
01.05.2012
Oktavuođaolbmo namma Sámemusea Siida
Contact Email
Oktavuođaolbmo telefonnummir +358400898212
lasit dáhpáhusa kaleanddarii vCal
iCal

Dálá mapucheid máttut barge eanadoaluin, čoakkildedje luonddušattuid ja bivde meahci – sihke barge smávvalágan nomadismmain šibitdoalu oktavuođas. Sin rávragáhtot visttit, rukat, ledje jogaid ja jávrriid gáttiin. Daid smávva šaddogárddiin šaddadedje buđehiid, máissa, bábuid ja quinoa. Riddoguovlluid mapuchet guolástedje ja čoakkildede reabbáealliid. Andes-váriid vuolde dehálaš biebmun ledje Araucaria araucana -beazi siepmanat.

Spánskalaš vuolušteaddjit bohte dálá Chile ja Argentina guovlluide 1500-logu loahpageahčen. Das álge sullii 300 jagi bistán soahttás áiggit. Ođđaássit bukte mielddiset heastakultuvrra, mii bođii fargga atnui maiddái mapucheid gaskkas, ja dat lasihii sin návccaid dáistalit vuolušteaddjiid vuostá. 1800-loahpas mapuchet vuoittáhalle ja masse eatnamiiddiset Chile stáhtii.

Dán áigge mapucheid árvalit leat sullii 600 000. Vuovdečuohppamat, čáhcefápmorusttegiid huksen ja ruvkedoaibma leat ovddežisge gáržžidan mapucheid eallindilálašvuođaid. Mapuchet ellet dál dan seamma dilis go máŋggat eará álgoálbmogat Amerihkás. Sii gillájit vealaheamis, geafivuođas ja sosiálalaš váttisvuođain. Iežaset váttisvuođain fuolakeahttá mapuchet leat geahččalan doalahit gielaset, mapundunguna, sihke iežaset dáhpekultuvrra.

Mapuche – Chile ealli ruohttasat -čájáhusas leat ovdan arkeologalaš dávvirat, tekstiillat, silbačiŋat, beaivválaš gálvvut ja mapuche-šamanismii guoskevaš dávvirat. Gallestalli čájáhus fállá áidnalunddot vejolašvuođa oahpásmuvvat sámiid lassin maiddái eará álgoálbmogii eanaspáppa nuppe bealde. Mapuche-čájáhus lea ovdan Siiddas 18.2.-1.5.2012.

Mapuche – Chile ealli ruohttasat -čájáhusa lea buvttadan Chile ovdakolombiánalaš dáidaga musea (Musea Chileno de Arte Precolombino). Čájáhus lea leamaš ovdal ovdan ee. Kolombias, Kiinnás ja Polskkas. Čájáhusa johtima Suomas doarju Chile ambassáda.

Subscription URL: http://siida.fi/sisdoallu/cajahusat/mannan-jhusat/mapuche-2013-chile-ealli-ruohttasat/icalendar_export_event
Document Actions
Sisdoallu
 

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari