Ovdasiidu / Čájáhusat / Mannan čájáhusat / Mu čáhppesvilges máilbmi

Mu čáhppesvilges máilbmi

EU:a davimus kamerasearvvi, Pohjois-Lapin kameraseura, čájáhus láidesta geahččiid čuovgga ja suoivana rádjeguovlluide čuovgagova čáhppesvilges muhto oadjebas máilbmái. Oaidninláhkai leat Davvi-Sámis ássi govvejeaddjiid sihke dáppe orostalli govvejeaddjiid vurken govat davviguovlluid fiinna luonddus ja olbmuin sierra jagiáiggiid.

Goas
06.02.2014
Juohke vahku 08.06.2014 rádjái
Oktavuođaolbmo namma Luontokeskus Siida/Pasi Nivasalo
Contact Email
Oktavuođaolbmo telefonnummir 0205 64 7749
lasit dáhpáhusa kaleanddarii vCal
iCal

EU:a davimus kamerasearvvi, Pohjois-Lapin kameraseura, čájáhus láidesta geahččiid čuovgga ja suoivana rájiid ala čuovgagova čáhppesvilges muhto seammás hui harmonalaš máilbmái. Dál leat oaidninláhkai Davvi-Lappis ássi ja doppe orodeaddji čuovgagovva-buđaldeaddjiid fiinna govat davviguovlluid luonddus ja olbmuin sierra jagigáiggiid.

Pohjois-Lapin kameraseura lea namas mielde Davvi-Lappis doaibmi čuovgagovvenbuđaldeaddjiid joavku. Kamerasearvi vuođđuduvvui 2011:s, go čuovgagovvemis berošteaddji Davvi-Lappi olbmot jurdiledje jeavddalaččat deaivvadišgoahtit oktasaš buđaldusa olis. Searvvis leat dál lahtut sullii 90, ja kamerasearvvi nubbi virggálaš čájáhus lea ovdan Meahciráđđehusa Davvi-Sámi luondduguovddáš Siiddas, Anáris.

Mu čáhppesvilges máilbmi -čuovgagovvačájáhussii leat čohkkejuvvon kamerasearvvi lahtuid čuovgagovat. Govat leat 26, ja dat leat oktiibuot 20 govvejeaddjis. Čájáhus lea riegádan kamerasearvvi siskkáldas govvengilvvu boađusin, temán ledje mannan čavčča čáhppesvilges govat. Čavčča govvengilvvu dihte riegádii jurdda čájáhusas, ja gilvui oassálastán govatge leat oaidninláhkai dál dán min čájáhusas.

Davvi-Lappis gávdnojit dievva čuozáhagat ja fáttát, maid sáhttá govvet. Dákkárat leat luonddu ravdaihtagat, dego ijahis idja ja skábma, muhto maiddái áidnalunddot luondu sihke árbevirolaš máŋggakultuvrralašvuohta fállet lohkameahttun govvenfáttáid. Mu čáhppesvilges máilbmi -čájáhusas leat ovdan kamerasearvvi lahtuid govat luonddus ja olbmuin, čáhppesvielgadin, ja nu ahte govain lea stohkkojuvvon čuovggain ja suoivaniiguin.   

Pohjois-Lapin kameraseura lágida gilvvuid lassin iežas lahtuide earáge doaimmaid. Čuovgagovvemii guoskevaš kurssat lágiduvvojit moanat jahkásaččat, ja kurssat leat máŋggadássásaččat. Dasa lassin kamerasearvi lágida govvenreaissuid, goas teoriijas ohppojuvvon govvendáidduid sáhttá geahččalastit "duohtadilis" ja seammás oahppá dađistaga lasi. Govvenreaissuin olbmot vulget dábálaččat lundui kamerasearvvi doaibmaguovllus, ja Davvi-Lappi leage áidnalunddot govvenčuozáhat. Olgungovvema lassin kamerasearvi lea háhkan alccesis studiolanjaid Anára márkanis. Lahtuid atnui leat háhkkojuvvon studiogovvemis dárbbašlaš bargoneavvut, ja lanjat maiddái láigohuvvojit olggobealeolbmuide.

Mu čáhppesvilges máilbmi- čájáhusa lágida Meahciráđđehusa Davvi-Sámi luondduguovddáš Siida ja dat lea ovdan geassemánu ággu rádjai.

Lassedieđut:
Pasi Nivasalo, Luondduguovddáš Siida,
pasi.nivasalo@metsa.fi

Subscription URL: http://siida.fi/sisdoallu/cajahusat/mannan-jhusat/mu-hppesvilges-milbmi/icalendar_export_event
Document Actions
Sisdoallu
 

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari