Ovdasiidu / Čájáhusat / Mannan čájáhusat / Ládjogahpir ja šaamšiǩ

Ládjogahpir ja šaamšiǩ

Sámenissoniid gahpirmállet leat rievddadan guovlluid, materiálaid ja kultuvrralaš sivaid mielde. Gahpir lea nissonolbmo čikŋa, masa leat adnojuvvon dat divraseamos materiálat ja man ovdii lea bargojuvvon ollu – juoba nu ahte anihahttivuohta lea muhtumin šaddan čáhkket saji čábbodahkii. Ládjogahpir ja šaamšiǩ -čájáhusas ovdanbuktojuvvojit sámenissoniid sierralágan gahpirat ja dain dáhpáhuvvan nuppástusat.

Goas
04.10.2013
Juohke vahku 02.02.2014 rádjái
Oktavuođaolbmo namma Sámemusea Siida
Contact Email
Oktavuođaolbmo telefonnummir +358 (0)400 898 212
lasit dáhpáhusa kaleanddarii vCal
iCal

Ovdal lei vierrun, ahte nissonat eai johtán ruovttu olggobealde gahperahttá. Jus anus ii lean gahpir, de lávejedje oaivvi gokčat goit liinniin. Erenoamáš mávssolaš oaivvi gokčan lei girkolaš oktavuođain, girkus, čoakkalmasain ja girkomátkkiin. Gahpira nissonat geavahedje árgabeaivvis vel dan maŋŋáge, go ledje muđui geavahišgoahtán oarjemáilmme biktasiid. Ain máŋggat boarráseamos sohkabuolvva nissonat geavahit sámegahpira beaivválaččat.

Suoma Sámis leat vihtta sierra gákteárbevierroguovlu, main leat maid iežas gahpermállet.  Árbevierroguovlluid siste lea molsašuddan sogaid ja guovlluid mielde. Sápmelačča gákti guorrasa goittotge vuosttamužžan su ja sogas árbevirrui, ii orrunbáikái. Suoma Sámis dábáleamos gahpir lea rukses láđđegahpir, mas lea jorba vuođđu ja belljosat. Gahpir hervejuvvo guovllu ja soga árbevieruid mielde speallavearkkain ja hearva- ja silkebáttiiguin. Suoma sámiid gaskkas iežaslágan gahpermálle lea nuortalaččain, geaid árbevierus nieiddas, náitalan nissonis ja leaskkas leat iežas gahpermállet. Gahpiriid ávnnasin lea rukses láđđi ja dat hervejuvvojit bearraliiguin ja helmmuiguin.

Láđđegahpiriid lassin dálvet geavahuvvojit guolgagahpirat. Fiidnámus guolgagahperávnnas lea rašes miessenáhkki. Miessenáhkki lassin guolgagahpirat  gorrojuvvojit rieban-, njurjo-, kaniidna- ja gihccenáhkis dahje gápmasis. Guolgagahpira hámis leat erohusat guovlluid gaskkas, ovdamearkka dihte oarjjabealde gahpira hápmi lea jorbasut. Guolgagahpir čiŋahuvvo ivdnás láđđedihpiiguin, mat Eanodaga guovllus dávjá hervejuvvojit hearvabáttiiguin. Anáraččaid gahpiriin dihpiid ivdni lea dábálaččat rukses ja ruoná.

Sámemusea Siidda čájáhus “Ládjogahpir ja šaamšiǩ” muitala govaid ja diŋggaid bokte sámi nissongahpiriin sierra guovlluin Suoma Sámi. Čájáhusa mihttomearrin lea buktit ovdan gahpiriid historjjá ja dálá hámi, muhto maid čalmmustahttit daid čábbodaga ja duojáriid čehppodaga. Sámimusea Siidda čoakkáldagaid lassin čájáhussii lea luoikkahuvvon gahpirat suopmelaš museain ja ovttaskas olbmuin. Daid bokte čájáhus fállá vejolašvuođa oahpásnuvvat dan oassái sámi kulturárbbis, mii lea vurkejuvvon museaide Sámi olggobealde.

“Ládjogahpir ja šaamšiǩ -čájáhus lea rabas Sáme musea Siiddas 4.10.2013–2.2.2014. Bures boahtin oahpásmuvvat!

Lassedieđut:
Intendeanta Arja Jomppanen, arja.jomppanen(at)samimuseum.fi, tel +358 40 579 3313.

Subscription URL: http://siida.fi/sisdoallu/cajahusat/mannan-jhusat/oarvegahpir-ja-aami/icalendar_export_event
Document Actions
Sisdoallu
 

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari