Ovdasiidu / Čájáhusat / Mannan čájáhusat / Sámenuoraid Dáiddadáhpáhus oahpisin!

Sámenuoraid Dáiddadáhpáhus oahpisin!

Sámenuoraid dáiddadáhpáhus lea leamaš nuoraid loaiddastanbáikin juo njealljelot jagi. Dáhpáhus nanne nuoraid kultur- ja dáiddabuđaldemiid ja sámegiela geavaheami, oktiigullevašvuođa ja sámi identitehta. Čájáhus čalmmustahttá govaiguin, filmmaiguin ja nuoraid dáiddadujiiguin dáiddadáhpáhusa viiddis mearkkašumi ealli oassin sámekultuvrras.

Goas
06.02.2015
Juohke vahku 10.05.2015 rádjái
Oktavuođaolbmo namma Marjo-Riitta Rantamäki
Contact Email
Oktavuođaolbmo telefonnummir +358 40 571 5670
lasit dáhpáhusa kaleanddarii vCal
iCal

Dáiddadáhpáhusat leat ilolaš ja ivdnás dilálašvuođat, maidda skuvllain leat ráhkkanan olles jagi. Oahpaheaddjit dorjot dáhpáhusa ja bagadallet viššalit nuoraid. Dáhpáhus fállá nuoraide dilálašvuođa ovddidit dáidduideaset, čájehit daid earáide ja oažžut movttiidahtti máhcahaga duopmáriin sihke stuorra joavkkus báikkálaš ja eará guovlluin boahtán gehččiin. Dáiddadáhpáhussii bovdejuvvojit buot Sámi mánát ja nuorat sihke buot sámegiela ja sámegielat oahpahusas leahkki mánát ja nuorat.

Sámenuoraid dáiddadáhpáhusaid leat ordnen 1970-logu gaskamutto rájes. Dáiddadáhpáhus gulai álggos eará guovlodáhpáhusaiguin riikkaviidosaš Nuoraid dáiddadáhpáhusaid ráidui. Dál dat lea oassi Nuorra Kultuvra –fierpmádagas seamma dásis go eará guovlodáhpáhusat, main válljejuvvojit ovddasteaddjit giđa váldodáhpáhussii dahje dihto jagiid dollojuvvon Skuvllaid Stuorrafestii.

Váldotemá mearriduvvo riikka dáhpáhusa dánsa-, musihkka- dahje teáhtertemá mielde, man lassin prográmmas lea álo juoga erenoamážit sámekultuvrii čatnašuvvi temá. Sámenuoraid dáiddadáhpáhusa ulbmilin ii goittot leat dušše árbevirolaš dujiid ja doaimmaid gáhtten, danin buotlágan dáiddasuorggit leat mielde vurrolagaid. Sámetemán leat leamaš ee. govvadáidda, diktagilvu, joavkočuojaheapmi, ráidogovva, oanehisfilmmat, rollabiktasat, gákte- ja duddjončájáhusat, juoigan- ja musihkkabargobájit.

Dáiddadáhpáhusa váldoordnejeaddji lea sámedikki skuvlen- ja oahppamateriálalávdegoddi, ja ordnemiid koordinere skuvlen- ja oahppamateriáladoaimmahat. Ordnemii oassálastet maid sámiid ruovttuguovllu gielddat. Sámenuoraid dáiddadáhpáhus gullá skuvlajagi bargoprográmmii ja dáhpáhusat dollojuvvojit skuvlavahku áigge. Sámenuoraid dáiddadáhpáhusa ja riikkaviidosaš dáhpáhusaide oassálastima ruhtada Oahpahus- ja kulturministeriija.

Subscription URL: http://siida.fi/sisdoallu/cajahusat/mannan-jhusat/smenuoraid-diddadhphus-oahpisin/icalendar_export_event
Document Actions
Sisdoallu
 

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari