Ovdasiidu / Čájáhusat / Mannan čájáhusat / Biobío lulábealde - Adolfo Vera čuovgagovat Chile mapuche-indiánaid eallimis

Biobío lulábealde - Adolfo Vera čuovgagovat Chile mapuche-indiánaid eallimis

Suomas ássi ja bargi, Chiles riegádan čuovgagovvejeaddji Adolfo Vera čuovgagovat muitalit Chile álgoálbmoga, mapuche-indiánaid, dálá eallimis Chile lulliosiin. Čuđiid jagi bistán kolonialismma dihte mapuche-indiánat leat vehážiid geassádan iežaset árbevirolaš eatnamiin Chile gáidoseamos várreguovlluide. Biobío-eanu lulábeale guovllu luondduriggodagat – eanavuođu minerálat ja viiddis vuovdeguovllut – geasuhit stuorrafitnodagaid, ja deattut luondduriggodagaiguin ávkkástallan dihte leat gáržžidan ovddežisge mapuche-bearrašiid eallinbirrasa. Čuovgagovvačájáhus dievasmahttá mapuche-kultuvrii guoskevaš viidáset ovdanbuktima, mii lea ovdan Siiddas seamma áigge.

Goas
02.03.2012
nohká
20.05.2012
Oktavuođaolbmo namma Sámemusea Siida
Contact Email
Oktavuođaolbmo telefonnummir +358400898212
lasit dáhpáhusa kaleanddarii vCal
iCal

Suomas ássi ja bargi chilelašsogat čuovgagovvejeaddji Adolfo Vera gov-vii 2007:s mapucheindiánaid eallima Lulli-Chiles Icalma gilis ja Lago Budína guovllus. Adolfo Vera čuovgagovvaprošeavtta ulbmilin lea čalmmustahttit mapucheindiánaid dili, ja veahkehit ná mapucheid sin rahčamušain gádjut iežaset eatnamiid ja kultuvrra.

Chiles ja viidáseappotge mapucheindiánat dovdojuvvojit álbmogin, mii bealuštii iežas roahkkadit čuđiid jagiid sihke inkaid ja spánskalaččaid vuostá. Mapuchet lihkkohedje caggat guhká maiddái Chile soahteveaga guovlluideaset olggobealde, muhto vehážiid sii šadde vuollánit dasa, ahte masse eatnamiiddiset. Viiddis guovllut gárte vierrásiid oamastussii, ja mapuchet šadde geassádit boaittobeale várreguovlluide dahje báhcit eanabargin iežaset ovddeš guovlluide.

Viiddis vuvddiid ja valljugas minerálariggodagaid dihte Chile lullioasit Biobío-eanu lulábealde geasuhit riikkaidgaskasaš stuorrafitnodagaid. Dat leat háhkan alcceseases viiddis guovlluid, vai sáhttet ávkkástallat luondduriggodagaiguin eaige báljo beroš báikkálaš ássiid oaiviliin. Luondduriggodagaid stajideapmi ii čuoze dušše guovllu lundui, muhto das šaddá gillát oppa mapuche-kultuvra.

Mapuche-bearrašiid eanabihtážiiguin ii sáhte ealihit bearraša, ja giehtadujiin ja eará buktagiin eai mávsse báljo maidige ja eiseválddit badjelgehččet mapucheid. Máŋggat nuorat eai máhte šat mapudungungiela. Boaittobealeguovllut eai fála nuoraide boahtteáiggi, ja danin máŋggat sis fárrejit gávpogiidda. Vealaheapmi ja sosiálalaš váttisvuođat čuhcet mapucheid eallimii maiddái gávpogiin.

Čájáhusa leaba dorjon Suomen Kulttuurirahasto ja Valtion Valokuvataidetoimikunta.

Lassedieđut:
Intendeanta Arja Jomppanen, Sámemusea Siida, tel. +358 (0)40 5793313, arja.jomppanen@samimuseum.fi

Subscription URL: http://siida.fi/sisdoallu/cajahusat/mannan-jhusat/viu-viu-lulbealde/icalendar_export_event
Document Actions
Sisdoallu
 

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari