Ovdasiidu / Čájáhusat / Mannan čájáhusat / Ávžžášjávri - Gáijogiid siida

Ávžžášjávri - Gáijogiid siida

Čuovgagovvejeaddji Jyrki Kallio-Koski fiinna govat muitalit Ávžžášjávrri sámesiidda eallimis 40 jagi áiggis. Okta máŋggain Ávžžášjávrri mihtilmasvuođain lea dan boaittobeale sajádat ja váttisvuohta beassat dohko. Giláš lea Giehtaruohttasa meahcceguovllu siste, ja dohko manná sullii 40 kilomehtera guhkkosaš bálggesgeaidnu. Olbmo ja luonddu gaskasaš vuorroságastallan lea nannosit mielde Kallio-Koski govain.

Goas
16.10.2016
Juohke vahku 12.03.2017 rádjái
Oktavuođaolbmo namma Marjo-Riitta Rantamäki
Contact Email
Oktavuođaolbmo telefonnummir +358(0)40 571 5670
lasit dáhpáhusa kaleanddarii vCal
iCal

Govvejeaddji Jyrki Kallio-Koski fiinna govat muitalit Ávžžášjávrri sámi giláža eallimis 40 jagi áiggis. Juo skuvllalažžan Kallio-Koski beroštuvai luonddus vánddardeamis ja dan vurkemis govvemiin. 1960-logu loahpas álgán guolástan- ja vánddardanreaissut Sápmái bokte beroštumi maiddái olbmo ja luonddu gaskasaš ságastallama vurkemii. Ávžžášjávrri sámi gili eallinvuohki ja máilmmigovva leat geasuhan Kallio-Koski dokumenteret gili árgabeaivvi ja siidda eallinvuogi sirdáseami sohkabuolvvas nubbái.

Okta Ávžžášjávrri gili mihtilmasvuođain lea dan sajádat. Gilli lea Eanodaga gieldda davimus oasis, Giehtagierragis, Giehtaruohttasa meahcceguovllu siskkobealde. Gillái manná sullii 40 kilomehtera guhkkosaš bálggesgeaidnu, man mielde johtet dán áigge dálvet mohtorgielkkáin ja geasset njealjejuvllagiin. Ovdal gillái beasai dušše čuoigga dehe vácci. Ávžžášjávrri gili olbmuid eallima vuođđun lea boazu ja boazodoallu. Gilis leat logenar viesu, main orrot olbmot boazodoalu jahkodagaid mielde. Gilli ii goittot goassege leat ávdin, go álot muhtun viesus lea olmmoš.

Čájáhus lea gudnečájáhus gili olbmuide ja dán eallinvuohkái. Jyrki Kallio-Koski

Subscription URL: http://siida.fi/sisdoallu/cajahusat/mannan-jhusat/vjvri-gijogiid-siida/icalendar_export_event
Document Actions
Sisdoallu
 

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari