Várreneavttut

Várreneavttut

Sámemusea ja luondduguovddáš Siidda doaimmain vástidit Sámemusea (Sámi Museum – Sámemuseavuođđudus) ja Badje-Sámi luondduguovddáš (Meahciráđđehus/Luonddubálvalusat). Dás duohko deavsttas “Siida”.

Čájáhusaid sisabeassanbileahtaid, ofelastin- ja latnjavárrenbálvalusaid diŋgoma, várrema ja diŋgojumiid šluhttema oktavuođas Siida čuovvu čuovvovaš eavttuid:

VÁRREN & MÁKSU

Várret sáhttá njálmmálaččat ja čálalaččat. Várren lea nannejuvvon dalle go áššehas oažžu čálalaš nannema Siiddas.

Ofelastimiid ja lanjaid galgá álo várret ovddalgihtii tel. 0400 898 212 dahje siida@samimuseum.fi.

Diŋgojeaddji máksá báikki alde reaidaruđain, báŋko- dahje kredihttakoarttain dalle jos máksineavttuin ii leat ovddalgihtii čálalaččat eará láhkai sohppon. Kredihttakoarttain dohkkehat Master Card, Visa ja American Express-koarttaid.

Rehket
Rehkega sáddemis maŋŋel sohppojuvvo alo sierra. Rehkega galgá máksit min báŋkokontui maŋimustá máksinbeaivve. Buot rehkegii laktáseaddji fuomášahttimiid galgá almmuhit 7 jándora siste rehkegii merkejuvvon beaivemearis. Rehket mákso SEPA-máksun (IBAN-báŋkokontonummir ja báŋkku BIC-koda) ja máksima oktavuođas galgá geavahit rehkegii merkejuvvon referánsanummira. Rehkega máksima oktavuođas galgá geavahit valuhtan euro.

VÁRREN INTERNEAHTA BOKTE

Áššehas čatnasa dalán dasa, maid lea oastán, seamma láhkai go masa beare hávil mákson áššái, eaige leat sierra vel várremii gullevaš ovddalgihtii- dahje loahppamávssut. Interneahttavárren mákso kredihttakoarttain dahje neahttabáŋkkus.

Rehkega ja guitte čáliheapmi:
Áššehas vástida das, ahte son oažžu diŋgonnannema das, maid lea neahttagávppi bokte oastán.

Várrema nannen:
Siida ii vástit eahpelihkostuvvan várremis. Áššehas galgá baicce ieš váldit dakkaviđe oktavuođa vuovdái vai várren šaddá riekta.

Máksinbálvalusaid ordnejeaddji

Mávssu gaskkustanbálvalusaid ja máksinbálvalusaid fállá Paytrail Oyj (2122839-7) ovttasbarggus suopmelaš báŋkkuiguin ja loatnalágádusaiguin. Paytrail Oyj oidno mávssu oažžun báŋkokontováldosis dahje koartarehkegis ja gaskkusta mávssu gávpejassii. Paytrail Oyj:s lea máksinlágádusa doaibmalohpi. Reklamašuvdnadáhpáhusain váldde oktavuođa ovdasajis buktaga doaimmaheaddjái.

Paytrail Oyj, fitnodatdovddaldat: 2122839-7
Innova 2
Lutakonaukio 7
40100 Jyväskylä
Telefovdna: 020 718 1830
www.paytrail.com

RIEKTI RIEVDADIT HATTIID

Siiddas lea riekti vuiget feaillalaš haddedieđuid ovdal go soahpamuš šaddá duohtan.  Árvolassevierru (momsa) čuovvu láhkaásaheami, mii dál lea fámus.

ŠLUHTTEN

Šluhtten lea dáhpáhuvvan dalle go čálalaš diehtu šluhttemis lea boahtán min doaimmahahkii telefovnna dahje e-boastta bokte maŋimustá dmu 16 daid beivviid go doaimmahat lea rabas.

Sisabeassanbileahtaid várrema šluhtten:
Šluhtten lea nuvttá dalle go bileahtat ostojuvvojit báikki alde Siiddas.

Šluhtten dalle go lea bileahtat leat várrejuvvon interneahta bokte:
Šluhtten badjel 24 diimmu ovdal go várrejuvvon áigi álgá – nuvttá.
Šluhtten 0-24 diimmu ovdal go várrejuvvon áigi álgá – bearrat 100 % várrenmávssu.

Ofelastinbálvalusaid šluhtten:
Šluhtten badjel 2 jándora ovdal go várrejuvvon áigi álgá – nuvttá.
Šluhtten 0-2 jándora ovdal go várrejuvvon áigi álgá – bearrat 100 % várrenmávssu.

Lanjaid ja gohcinbálvalusaid šluhtten:
Šluhtten badjel 7 jándora ovdal go várrejuvvon áigi álgá – nuvttá.
Šluhtten 2-7 jándora ovdal go várrejuvvon áigi álgá – bearrat 50 % várrenmávssu.
Šluhtten 0-2 jándora ovdal go várrejuvvon áigi álgá – bearrat 100 % várrenmávssu.

Buohccán:
Buohccáma oktavuođas leat seamma šluhtteneavttut go eará šluhttemiidge oktavuođas.

Siiddas lea riekti šluhttet várrema:
Jos sáhka lea birgetmeahttun/veadjemeahttun eastagis, force majeure, de Siiddas lea riekti šluhttet várrema. Dákkár dáhpáhusas áššehasas fas lea riekti oažžut ruovttoluotta olles dan supmi man lea máksán.

LANJAID LÁIGOHEAPMI

Čoahkkinlanja láigui gullet: dábálaš čuovggat, liggen, elrávnnji dábálaš geavaheapmi, viessogálvvut sohppon vuogi mielde ja dábálaš čorgen. Lanja hervemis, viessogálvvuin, geahppa ráhkadusain ja čorgemis, mat leat spiehkkasit dábálaččas, mii vealgut sierra. Lanja láigui sáhttet gullat lasserusttegat ja -bálvalusat, go fálaldagas lea nu čállon.

Earenomášordnestallamat
Jos Siida dahká diŋgojeaddji sávaldagaid mielde earenomášordnestallamiid degomat ordne viessogálvvuid, geahppa ráhkadusaid dahje prográmma, de diŋgojeaddji čatnasa máksit goluid mat dáin earenomášordnestallamiin bohtet.

Várremiin, mat lea dábálaš rabasáiggiid olggobealde, galgá soahpat ovttas Siiddain. Mii bearrat gohcinmávssu árgabeivviid áigge 75 €/juohke álgi diimmus ja sotnabeaivve ja bassebeivviid áigge 150 €/ juohke álgi diimmus (1.1.2020 rájes 95€/juohke álgi diimmus árgabeivviid áigge, 190€/ juohke álgi diimmus sotnabeaivve ja bassebeivviid áigge). Daid beivviid go Siida lea gitta, muhto rahppo sierra, de gohcinmáksu lea unnimustá 2 diimmu.

Diŋgojeaddji vástu
Diŋgojeaddji lea geatnegas suodjalit vahágiin lanjaid ja viessogálvvuid, maid son lea láigohan. Diŋgojeaddji vástida juohke vahágis, maid áššehasa biergasat, bargit, loaiddasteaddjit dahje guossit leat dagahan dállui ja láigosaji luovos opmodahkii. Diŋgojeaddji vástida dain biergasiin maid lea buktán čoahkkinbáikái dahje luovos opmodagas. Diŋgojeaddji čatnasa čuovvut Siidda bargiid rávvagiid dálu, viessogálvvuid ja rusttegiid geavaheami guoski áššiin. Diŋgojeaddji galgá nammadit iežas dilálašvuhtii vástuolbmo.

Gaskaboddosaš geahppa ráhkadusat
Diŋgojeaddjis ii leat riekti dahkat rievdadusaid sajiide dahje lanjaide maid lea várren, cegget dahje giddet daidda gaskaboddosaš geahppa ráhkadusaid, oahpistangalbbaid dahje eará jos ii leat soahpan dain Siiddain sierra.

Soahpamuša sirdin
Áššehasas ii leat riekti sirdit soahpamuša dahje luobahit láigohuvvon lanjaid ja sajiid goalmmát oassebeallái almmá Siidda lobi haga. Lobi oažžuma maŋŋáge áššehas vástida láigosoahpamuša eavttuid deavdimis Siidii.

Rievdadusat
Soahpamušaid guoski rievdadusat dahkkojit álo čálalaččat nu, ahte goabbáge oassebealli lea daid vuolláičállán.

 

DÁHKÁDUSAT 

Mii ávžžuhat alo váldit mátkedáhkádusa.

VÁIDALEAPMI

Jos ležžet fuomášahttimat ja váidalusat min bálvalusain, de dain gálgá dalán bidjat dieđu njuolga Siidii tel. 0400 898 212 dahje siida(at)samimuseum.fi.

Jos sierramielalašvuođaide ii gávdno čoavddus oassebeliid gaskasaš ráđđádallamiin, de golaheaddji sáhttá doalvut ášši golaheaddjiriidolávdegotti gieđahallamii ja čoavdima várás (www.kuluttajariita.fi).

Riiddut čovdojuvvojit Lappi gearretrievttis.

Siiddas lea riekti rievdadusaide.