Ovdasiidu / mediai / Duogášdieđut Siiddas

Duogášdieđut Siiddas

Go Siida gárvvásmuvai, de čábbát iežas birrasii vuogáiduvvi museavisti oaččui ollu fuopmášumi sihke suopmelaš ja riikkaidgaskasaš arkitektuvraprentosiin. Siidda vuođđočájáhus lea doaibman ovdagovvan dan maŋŋá gárvvásmuvvan čájáhusaide sihke sisdoalu ja teknihkalaš čovdosiid dáfus.

Juhani Pallasmaa plánen Siida-visti gárvvásmuvai 1997:s. Ođđa museavisti ja seammás dan vuođđočájáhusat rahppojuvvojedje oaidninláhkai válborbeaivve 1.4.1998. Siiddas gávdnojit Sámemusea ja Meahciráđđehusa luondduguovddáža oktasaš vuođđočájáhusat, čájáhussajit molsašuvvi čájáhusaide, auditorio, áššehasaid bálvaleapmái ja oktasaš atnui oaivvilduvvon eará lanjat, kafea-restoráŋŋa ja čoakkáldat-, bargobádje- ja doaimmahatlanjat. Museavisttis leat guokte gearddi, maid viidodat lea oktiibuot 2 800 njealjehasmehtera, main 1 100 njealjehasmehtera leat oaivvilduvvon čájáhusaid várás.

Siida-giddodaga oamasta ja dikšu Senaatti-Kiinteistöt Oy. Váldoláigolaš Sami museum - Sámemuseavuođđudus hálddaša giddodaga ja láigoha dasto doaibmasaji Meahciráđđehusa Lappi luonddubálvalusaide ja musearestoráŋŋadoaimma jođiheaddji Sarrit Ky:ai.

Document Actions

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari