Ovdasiidu / mediai / Siidda vuođđočájáhusat

Siidda vuođđočájáhusat

Siidda vuođđočájáhus lea ráhkadusa ja sisdoalu dáfus vuogáiduhtton vistái. Dán lea dahkan vejolažžan dat, ahte vuođđočájáhus ja museavisti leaba oktanaga plánejuvvon. Vuođđočájáhusaide gullá sihke láidehus- ja váldočájáhusoassi. Guktuid vuođđočájáhusaid leaba Sámemusea ja Meahciráđđehus searválagaid buvttadan, ja nuba kultur- ja luondosisdoalut suddet dain gallestalliid čalmmiin oktan čájáhusollisvuohtan.

Váldočájáhus vuođđuduvvá ng. kulturekologalaš jurdagii luonddu ja kultuvrra gaskasaš vuorrováikkuhusas. Sámi eallinvuohkái guoskevaš luondokonteavsttat leat duddjomin čájáhussaji olgoseinniid birastahtti, duogábealde čuvgejuvvon geasuheaddji jiehtanasgovaid, mat govvidit Davvi-Sámi luonddu, dálkkádaga ja čuovgadili rievddadeami jagi guovttenuppelot mánotbaji áigge. Dáidda duogášgovaide leat vuojuhuvvon govvosat, sárgumat, teavsttat, diorámat ja videot. Guđege mánotbaji hárrái gávdnojit dálkkádahkii guoskevaš vuođđodieđut sihke mánáide oaivvilduvvon ohcan- ja vásáhusčuozáhat.

Luonddu- ja kulturčájáhusaid gaskasaš rádjin doaibmá vitriidnaavádat, mas gávdnojit guktuid čájáhusaide guoskevaš oktasaš fáttát. Olgogierddu luhtte geahčadettiin čájáhusčuozáhat govvida dihto luondduihtaga muhto aliduvvon gaskaláhttis geahčadettiin seamma čuozáhat lea oassi kultuvrra muitalusas.

Gaskaláhttis leat vuolil čuvgejuvvon, láhttedássái vuojuhuvvon čuovgagovat, maid ala leat ráhkaduvvon instállašuvnnat, mat govvidit sámi eallinvuohkái guoskevaš mávssoleamos beliid. Čájáhussadji lea geamus, ja čuovga deaivá čájáhusčuozáhagaide. Musealanjaid gáhtu luddejeaddji luonddučuovgasárggis juohká guovdat čájáhussaji: leat sihke geasi ja dálvvi bealli.

Luonddučájáhussadji addá gallestallái dovddu ahte son ieš livččii vánddardeamen luonddus ja gávdná doppe feara maid. Čuovgagovaid, sárgumiid, dávviriid ja teavsttaid lea dievasmahttimin sierra jagiáiggiid ja luonddudáhpáhusaid govvideaddji jietnaduovdda, mii rievddada iežas luomos ritmma mielde ja muhtumassii geahčči lihkadusaid mielde – luonddubirrasis johtaleami láhkásaš máŋgga áicui vuođđuduvvi vásáhussan.

Eatnašat Siidda vuođđočájáhusa čuovgagovain leat govvejuvvon dárkilis ovdaplánaid mielde erenoamážit dán čájáhusollisvuođa várás. Čájáhusmateriála leat leamaš gárvvisteamen máŋggat áššedovdit, plánejeaddji ja fitnodagat.

Document Actions

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari