Čáitáldâhamanuens Säämimuseo Siidan
Ucâmušâid já CV kalga vuolgâttiđ majemustáá 31.10.2022 räi.
Säämimuseo Siida lii väldikodálâš ovdâsvástádâsmuseo já tuáimá kulttuurpirâspargoi uásild kuávlulâš ovdâsvástádâsmuseon sämmilij päikkikuávlust. Säämimuseo Siida ocá siskáldâstiimin čáitáldâhamanuens fastâ pargokoskâvuotân.
Čáitáldâhamanuens västid Säämimuseo já Paje-Laapi luándukuávdáá ohtsii Enâmeh láá mii párnááh-váldučáitálduv peividmist já oovdedmist sehe museo pyevtittem jottee čáitálduvâin. Pargoid kulá meid mulsâšuvvee čáitálduvâi koordinistem já olášuttem oovtâst museo siskáldâstiimijn sehe čáitálduvváid lohtâseijee aalmugpargo já tieđettem.
Paargon mij vaattâp hiäivulii aaleeb ollâškovlâtotkos tâi eres västideijee škovlim sehe hárjánem museosyergist proojeekt- já čáitáldâhpyevtittempargoost. Mij vaattâp pargoost šiev sämikulttuur já museo čonâsjuávhui tubdâm sehe sämikielâ máátu.
Mij anneep áárvust čuolmâi čuávdimtááiđuid, kreatiivlâšvuođâ sehe šiev vuáruvaikuttâstááiđuid. Hiättun annoo njyebžilis eŋgâlâskielâ máttu, šiev tiätutekniiktááiđuh (InDesign, Office 365, Excel) sehe hárjánem čáitálduvâi ekonomiahaaldâšmist. Paargon väljejum ulmust váttoo B-vyeijimkorttâ.
Pargo álgá 1.12.2022 tâi sopâmuš mield. Pälkki meriduvvoo Säämimuseo pälkkivuáháduv mield, já pargoost lii kuuđâ mánuppaje keččâlemäigi.
Ucâmušâid já CV kalga vuolgâttiđ majemustáá 31.10.2022 räi šleđgâpostâčujottâsân: eija.ojanlatva@samimuseum.fi.
Tiäđustâlmeh: vs. museohovdâ Eija Ojanlatva, puh. 0401676145, eija.ojanlatva@samimuseum.fi.