Mii ohcat mearreáigásaš bargiid

Friijahápmásaš ohcamuš ja CV 14.3.2021 dmu 16:00 rádjai

Sámemusea Siida ja Nuortalaččaid árbevierrodálu geassi 2021

Sámemusea Siida lea riikkaviidosaš vástumusea ja maid guovllulaš vástumusea kulturbirasáššiin sámeguovllus. Siidda olgomusea lea musea čájáhus- ja galledanbáiki váldovistti vuođđodivodanbargguid áigge.

Mii ohcat mearreáigásaš bargiid:

3 áššehasbálvaleaddji 31.5.2021 rájes. Bargogaskavuohta bistá gitta 30.9. rádjai dahje soahpamuša mielde. Bargoáigi minima 60 %.
Áššehasbálvalanbáiki lea gaskaboddosaš visttis Siidda šiljus. Sisabeassanbileahtaid vuovdin, áššehasbálvaleapmi ja vuovdinbargu museagávppis ja neahttagávppis.
Oahpásmuhttinbeaivi 31.5.2021

Čorgejeaddji, bargoáigi minima 60 % áigodahkii 10.6.–4.7.2021 ja minima 50 % áigodahkii 16.8.2021–31.3.2022.
Čorgejeaddji bargun lea ođđa visttiid ja olgomuseaguovllu čorgen.

Anárlaš nuorra, olgomuseabargu, museameaštára veahkkin 7.6.2021 rájes, bargogaskavuohta nohká soahpamuša mielde.

***

Sámemusea bajásdoallá Nuortalaččaid árbevierrodálu Čeavetjávrris.

1 geassebargi árbevierrodállui áigodahkii 30.6.–31.8.2021. Bargoáigi lea 6,5 diimmu beaivvis maŋŋebárga–lávvardat.
Iehčanas bargui gullet árbevierrodálu čájáhusaid ja museagávppi dikšun, buktagiid vuovdin, áššehasbálvaleapmi ja oahpisteapmi.

 

Musea rabasáiggiide váikkuhit guovllulaš ja riikkaviidosaš koronaráddjehusat. Bargosoahpamušat sohppojuvvojit ja vuolláičállojuvvojit lahka áiggi, go bargogaskavuohta álgá. Soahpamušat sohppojuvvojit minimadiibmomeriiguin, muhto bargodiimmuid mearri sáhttá lassánit, juos mátkkoštandilli suovvá geassit 2021.

 

Bálká mearrašuvvá Sámemuseavuođđudusa bálkávuogádaga mielde.

Áššehasbálvalanbarggu gáibádussan lea máŋggabealat giellamáhttu ja hárjánupmi kássabarggus.

Sámegiela máhttu ja kultuvrra dovdamuš gehččojit ánsun.

Friijahápmásaš ohcamuš ja CV 14.3.2021 dmu 16:00 rádjai šleađgapoastta bokte museahovdii: sari.valkonen@samimuseum.fi.

Lassedieđut: Museagávppi vástideaddji Satu Airola t. 0400 328 133, satu.airola@samimuseum.fi.