Sámemusea Siida ohcá museahoavdda
Ohcamušat ja CV sáddejuvvojit maŋimustá 3.5.2023 dii 15
Sámemusea Siida ohcá museahoavdda.
Museahoavda jođiha sámemusea doaimmaid, ekonomiija, hálddahusa ja bargoveaga. Museahoavda vástida sámemusea strategalaš ja operatiivvalaš jođiheamis, musea doaimmaid ovddideamis, ekonomiijas ja musea servvodatgaskavuođain sihke oktavuođaid bajásdoallamis sámeorganisašuvnnaide.
Gelbbolašvuođagáibádussan bargui lea heivvolaš alit allaskuvladutkkus, sámegiela dáidu, buorre sámi kultuvrra ja kulturárbbi sihke sámemusea čanusjoavkkuid dovdamuš, geavatlaččat čájehuvvon jođihandáidu ja -hárjánupmi sihke barggu gáibidan reahkkávaš oahpisvuohta musea doaibmasuorggis ja bargguin.
Barggu dikšun gáibida buriid olmmošgaskavuohta-, vuorrováikkuhus- ja kommuniserendáidduid sihke suoma- ja eŋgelasgiela buori njálmmálaš ja čálalaš dáiddu.
Mii vuordit museahoavddas višunearalaš jurddašeami, návccaid ovddidit ođasmahtton musea ovttas bargoveagain ja gearggusvuođaid riikkaidgaskasaš ovttasbargui sihke ekonomiija ja hálddahusa proseassaid hálddašeami.
Bargu álgá 5.6.2023 dahje soahpamuša mielde. Bálká mearrašuvvá sámemusea bálkávuogádaga linnjemiid mielde. Ohcci sáhttá addit bálkádoaivaga. Barggus lea guhtta mánotbaji geahččalanáigi. Museahoavddain dahkkojuvvo jođiheaddjisoahpamuš.
Museahoavdda rekryteren ollašuhtto anonyma rekryteremin, mas fuomášupmi biddjojuvvo ámmátlaš máhttui sihke bargohárjánupmái. Erenoamážit ohcci galgá buktit gelbbolašvuođagáibádusas válddahallon áššiid ovdii čielgasit, go ohccit válljejuvvojit jearahallamiidda dáid dieđuid vuođul. Jearahallanjoavku gieđahallá ohcamušaid persovdnadieđuid haga (namma-, oktavuođa-, ahke-, sohkabealle- jed. dovddaldatdieđut). Friddjahámát ohcamušteavsttas galgá fuomášit, ahte dat čuovvu anonymitehta prinsihpaid iige doala sisttis om. dovddaldatdieđuid. Jearahallan láhkái ohccit válljejuvvojit sin persovdnadieđuid haga. Dan maŋŋá rekryteren ovdána dábálaš vugiin.
Ohcamušat ja CV sáddejuvvojit maŋimustá 3.5.2023 dii 15 šleađgapoastačujuhussii: rekry(at)samimuseum.fi.
Jearahallamat dollojuvvojit Sámemusea Siiddas 10.5.2023.
Lassedieđuid addá: Sámemuseavuođđudusa stivrra ságadoalli Liisa Holmberg, tel. +47 9 303 6145, liisa(at)isfi.no
Ođasmahtton ja viiddiduvvon Sámemusea Siida lea váldegottálaš ovddasvástádusmusea ja doaibmá kulturbirasbargguid oasil guvllolaš ovddasvástádusmusean sápmelaččaid ruovttuguovllus. Sámemusea doaibmabáiki lea Anáris Sámemusea ja Davvi-Sámi luondduguovddáš Siiddas. Siida lea okta Davvi-Lappi dehálamos mátkkoštančuozáhagain. Musea bajásdoallá Sámemuseavuođđudus ja museas leat 16 fásta bargi ja sesoŋŋaáigge s. 30 bargi. Sámemuseas leat čuovvovaš doaimmat: čoakkáldatbargu, kulturbirasovttadat, čájáhus- ja dáhpáhusbuvttadeapmi ja guovlodoaimmat, áššehasbálvaleapmi, museagávpi, vuovdin- ja márkanastin- sihke hálddahus-, bargiid- ja eará doarjjabálvalusat.