Amanueansa vástida Sámemusea Siidda čuovgagovvačoakkáldagaide laktáseaddji áššehasbálvaleamis sihke čuovgagovvačoakkáldaga hálddašeamis ja dikšumis. Amanueansa oassálastá čuovgagovvačoakkáldaga oasil Sámemusea ođđa čoakkáldathálddašanvuogádat Collecte ovddideapmái ja bajásdoallamii. Amanueanssa bargguide gullet maiddái čuovgagovvačoakkáldagaide laktáseaddji áššedovdiovdanbuktimat, kommuniseren sihke sisdoallobuvttadeapmi iešguđetlágan dilálašvuođaide. Amanueansa bargá čavdásit sierra čanusjoavkkuiguin ja servošiiguin álbmotlaš ja riikkaidgaskasaš dásis.
Barggu dikšumis gáibidit allaskuvladutkosa lassin bargohárjáneami museasuorggis ja sámekultuvrra dovdamuša. Doaibmi vuorrováikkuhus- ja ovttasbargodáidduid lassin bargu gáibida máhtu iehčanas bargamii sihke bargguid organiseren-, prioriteren ja čuolbmačoavdindáidduid. Barggu dikšun gáibida njuovžilis sámegiela ja eŋgelasgiela njálmmálaš ja čálalaš máhtu sihke buriid diehtoteknihkalaš dáidduid (Office 365, Adobe PhotoShop). Bargui válljejuvvon olbmos galgá leat B-vuodjinkoarta.
Mearreáigásašvuođa vuođustussan lea fásta amanueanssa bargguid dikšun sadjásašvuođa áiggi. Bargu álgá 1.8.2023 dahje soahpamuša mielde. Bálká mearrašuvvá Sámemusea bálkávuogádaga linnjemiid mielde. Barggus lea guhtta mánotbaji geahččalanáigi.
Jearahallamat dollojuvvojit 16.6.2023.
Friddjahápmásaš ohcamušat ja CV sáddejuvvojit ovdal 12.6.2023 dii 15.00 šleađgapoasttain čujuhussii: rekry(at)samimuseum.fi.
Lassedieđuid addá vs. amanueansa Marjo-Riitta Rantamäki, tel. 040 571 5670.