Sámemusea ohcá dutki bargofriija boddii sadjásačča kulturbirasovttadahkii áigodahkii 1.9.2020-30.8.2022

Čálalaš ohcamušat maŋimustá 16.6.2020 dmu 16.15

Sámemusea ohcá dutki bargofriija boddii sadjásačča kulturbirasovttadahkii áigodahkii 1.9.2020-30.8.2022. Dutki lassin ovttadagas leat guokte arkeologa. Kulturbiras ovttadaga doaibmaguovlun lea sámeguovlu ja bargun sámi kulturbiras, huksenárbi ja arkeologalaš kulturárbi.  

Sámemusea Siida lea sámekultuvrra riikkadási vástumusea  ja sámeguovllu kulturbirasbargguid guovllu vástumusea.

Kulturbirasovttadaga bargguide gullet suorgái gullevaš virgeoapmahaš-, plánen-, ovddidan- ja dutkanbarggut ja gulahallan ovttasbargoguimmiiguin. Lassin kulturbirasovttadat váldá oasi Sámemusea Siidda sisdoallobuvttadeapmái.

Dutki vástida huksejuvvon kulturbirrasii ja sámi kulturbirrasii laktáseaddji áššedovdi- ja virgeoapmahašbargguin, rávvenbargguin ja dutkamušas. Lassin dutki ovddida sámi kulturbirasbarggu sihke guovllu dásis ja riikkadásis.

Dutki gelbbolašvuođagáibádussan leat heivvolaš bajit allaskuvladutkkus ja dat, ahte lea vudjon  kulturbirasbargui, sámekultuvrii ja museasuorgái.

Barggus gáibiduvvo dovdat sámi kulturbirrasa ja dasa laktáseaddji doaibmaguovllu máŋggabealagit, bastit bargat iešheanalaččat ja ovttas earáiguin ja bastit johttit meahcis. Mii atnit árvvus museasuorggi bargovásáhusa, diehtovuogádagaid dovdama, vásáhusa gieddebargguin ja sosiála- ja gulahallandáidduid. Sámegiela máhttu lea ovdun.

Bálká lea Sámemusea bálkávuogádaga mielde. Barggus lea 4 mánotbaji geahččalanáigi.

Čálalaš ohcamušat maŋimustá 16.6.2020 dmu 16.15 čujuhussii: eija.ojanlatva@samimuseum.fi

Friddja ohcamuššii galgá laktit juogo cv dahje kopiijaid duođaštusain, mat lea nohkka dán bargui.