Sámemusea ohcá kulturbirasovttadahkii fásta bargui arkeologa. Bargu álgá 1.1.2021 (dahje soahpamuša mielde)

Friddja ohcamušat ja CV maŋimustá 20.11.2020 dmu 16.15

Sámemusea lea sámekultuvrra riikkadási vástumusea ja sámeguovllu kulturbirasbargguid guovllu vástumusea.

Sámemusea kulturbirasovttadaga bargguide gullet suorgái gullevaš virgeoapmahaš- ja áššedovdibarggut ja eanageavaheami plánen ja doaibmasuorggi ovddidan- ja dutkanbarggut. Kulturbirasovttadaga vuođđobargun lea maid gulahallat ovttasbargoguimmiiguin, ovttadaga suorgái gullevaš rávven- ja áššehasbálvaleapmi ja sisdoallobuvttadeapmi. Dán bargoalmmuhusa arkeologa lassin kulturbirasovttadagas lea dutki ja nubbi arkeologa.

Arkeologa bargguide gullet virgeoapmahašbargun válmmaštallat cealkámušaid, arkeologalaš dárkkistan- ja gohcinbarggut, rávvet ja bálvalit áššehasaid, beaivádit dološmuitobázahusregistara ja dikšut iešguđetlágan kulturárbái ja -birrasii gullevaš bargguid.

Arkeologa gelbbolašvuođagáibádussan lea bajit allaskuvladutkkus (váldofágan arkeologiija) ja ahte lea vudjon kulturbirrasa áššedovdi- ja viergeoapmahašbargguide, sámekultuvrii ja museasuorgái. Barggus galgá dovdat máŋggabealagit sámi kulturbirrasa ja dan doaibmasuorggi, bastit bargat ovttas earáiguin iešguđetlágan joavkkuin ja fierpmádagain, dovdat suorggi báikediehtovuogádagaid ja johttit meahcis. Ohccis galgá leat vejolašvuohta geavahit barggus iežas biilla. Sámegiela máhttu ja sámekultuvrra dovdamuš gehččo ánsun.

Bálká lea Sámemusea bálkávuogádaga mielde. Barggus lea 4 mánu geahččalanáigi.

Friddja ohcamušat ja CV maŋimustá 20.11.2020 dmu 16.15 čujuhussii: Rekrytointi, Saamelaismuseo Siida, Inarintie 46, 99870 Inari dahje e-boastta bokte sari.valkonen@samimuseum.fi

Lassedieđut: Arkeologa Eija Ojanlatva, eija.ojanlatva@samimuseum.fi, 040 1676 145