Sámemusea Siida lea Suoma sámiid álbmotmusea ja riikkadási vástomusea sihke guovllulaš vástomuseo kulturbirasaššiin.
Sámemusea ohcá Sámi kulturbirasovttadahkii arkeologa áigodahkii 12.2.-31.12.2020
Arkeologa dohkálašvuođagáibádussan lea alit allaskuvladutkkus, váldoávnnasin arkeologiija. Arkeologa ovddasvástádussan lea suodjalit sámeguovllu arkeologalaš kulturárbbi ja dikšut eiseváldedoaimmaid. Arkeologa oassálastá maiddái Sámemusea Siidda eara bargguide.
Bargoáigi lea 80%. Dán barggus galgá leat hárjánupmi dološbázahusregistara deavdimis, eiseváldedoaimmain, cealkámušain ja eanadatdárkkistemiin. Eanadathárjánupmi sámeguovllus, sámi kulturárbbi dovdamuš, guovllu eiseválddiid ja čanasjoavkkuid dovdamuš leat vealtameahttumat. Mii atnit árvvus museasuorggi bargohárjánumi sihke gulahallan- ja sosiálalaš dáidduid. Sámegiela máhttu gehččojuvvo ánsun.
Barggus lea 2 mánu geahččalanáigi.
Ohcamušat galget sáddejuvvot 10.2.2020 dbm 16.00 rádjai čujuhussii: Rekrutteren, Sámemusea Siida, Inarintie 46, 99870 Anár dahje šleađgapoastta mielde čujuhussii sari.valkonen(at)samimuseum.fi. Friddjahápmásaš ohcamuššii galgá laktit juogo ánsologahallama dahje doarvái vuđolaš duođaštusmildosiid.
Diđoštallamiidda vástida museahoavda Sari Valkonen, sari.valkonen(at)samimuseum.fi.