Sámemusea Siida ohča prošeaktačálli áigodahkii 1.8.2020–30.9.2022
Friddja ohcamušat ja CV maŋimustá 16.6.2020 dmu 16.15
Sámemusea Siida ohča prošeaktačálli áigodahkii 1.8.2020–30.9.2022 Muittut, muitalusat – the Story of The Sámi by Sámi -prošektii (Interreg) ja eará Sámemusea prošeavttaide. Prošeavttat laktásit Siidda váldočájáhusaid ođasmahttimii.
Ohcat movttegis, vásttolaš ja iešheanalis prošeaktačálli.
Bargguide gullá prošeaktahálddašeapmi degomat máksámušohcamušaid ja raporttaid čállin ruhtadeaddjái, prošeavtta diehtojuohkin ja oassálastin sisdoalu buvttadeapmái.
Prošeaktačálli gelbbolašvuođagáibádussan leat vuolit allaskuvladutkkus dahje eará heivvolaš skuvlejupmi, giellamáhttu man barggus dárbbaša ja hárjánupmi prošeaktabargguin. Mii atnit árvvus organiserendáidduid, doaimmalašvuođa ja gulahallan- ja kulturmáhtu. Sámegiela máhttu ja sámekultuvrra dovdámuš leat ovdun. Vuodjinkoarta lea bákkolaš.
Bálká lea Sámemusea bálkávuogádaga mielde. Bargu lea mearreáigásaš. Barggus lea 4 mánotbaji geahččalanáigi.
Veahkehat vistti gávdnamis.
Friddja ohcamušat ja CV maŋimustá 16.6.2020 dmu 16.15 čujuhussii: Rekryteren, Sámemusea Siida, Inarintie 46, 99870 Anár dahje e-boastta bokte sari.valkonen@samimuseum.fi
Lassedieđut: Museahoavda Sari Valkonen, sari.valkonen@samimuseum.fi, 040 767 1052