Puäʹđ tobdstõõttâd täʹvvrid, kook lie Nordiska museet norldõõǥǥin. Puäʹđ kuullâd, måkam täʹvver norldõõǥǥin lie da mâid tõin tieʹđet.
Täʹvvrid da provenieʹnsstuʹtǩǩummuž puäđõõzzid puuʹtet ouʹdde neellj ääv õutstõsnoorõõttmõõžžâst skamm-mannu 2026 da pâʹsslašttâm-mannu 2027 kõskksaž ääiʹj. Siida tuâjjlai lââʹssen noorõõttmõõžžin lie mieʹldd kueʹhtt äʹšštobddi. Nordiska museet intendeʹntt Marit Baer, kååʹtt mušttal sääʹmtäʹvvri norldõõǥǥ šõddmõõžžâst di pohtt ouʹdde täʹvverjoouk måtam täʹvvrid tääʹrǩben. Oulu universiteeʹtt Giellagas-instituutt tuʹtǩǩeeidåhttar Eeva-Kristiina Nylander, kååʹtt peäʹlstes mušttal provenieʹnsstuʹtǩǩummšest da tõn puäđõõzzin.
4.11.2026 čiâss 17, Jeänõõǥǥ, Vuâčč da Suäʹđjel vuuʹd täʹvver
9.12.2026 čiâss 17, Aanar vuuʹd täʹvver
10.2.2027 čiâss 17, Uccjooǥǥ vuuʹd täʹvver
17.3.2027 čiâss 17, Nuõrttsääʹmtäʹvver
Noorõõttmõõžž äʹlǧǧe čiâss 17 Lääʹdd ääiʹj da peʹštte nuʹtt 2 čiâss. Puk noorõõttmõõžžid riâžžât Teams-pirrõõzzâst seämma liiŋk pääiʹǩ: Õutstõõzzla ougglõsnoorõõttmõõžž-Teams
Noorõõttmõõžžin mainstet lääʹdd-, eŋgglõs- da sääʹmǩiõlid.
Sääʹm-museo Siida, Ruõccâst toiʹmmjeei Nordiska museet di Oulu universiteeʹtt Giellagas-institutt lie alttääm sääʹm kulttuurärbba õhttneei õhttsažtuâj. Haʹŋǩǩõõzzâst tuʹtǩǩeet Nordiska museet norldõõǥǥin käunnʼjeei, Lääʹdd peäʹlnn norrum vuäʹmm sääʹmtäʹvvri tuâǥǥažteâđaid õhttsažtuâjast sääʹmõutstõõzzivuiʹm. Õhttsažtuâjj lij vueʹssen Sääʹm-museo Siida Ellos min árbi – Jeälas mij kulttuuräʹrbb -haʹŋǩǩõõzzâst (2025–2028), koon Lääʹddjânnam Kulttuurfondd teäggat.
Õhttsažtuâj täävtõssân lij kaartʼted Nordiska museet norldõõǥǥin käunnʼjeei sääʹmtäʹvvri provenieeʹns leʹbe tääʹrǩab alggveär, noorrâmhistoria di norldõõǥǥ veeidasvuõđ.
Pueʹtted tiõrvân!
Lââʹssteâđ noorõõttmõõžžin:
Pia Nikula, õutstõstuâjjvaʹstteei,
pia.nikula(at)samimuseum.fi,
teʹl. 040 621 2663.
Looǥǥ lââʹzz: Uusi yhteistyö avaa saamelaisesineiden historiaa Nordiska museetin kokoelmissa
Snimldõõǥǥ: Nordiska Museet digitaalʼlaž norldõõǥǥâst
