Sääʹm-museo Siida vaʹlljeeš eeʹjj euroopplaž museon EMYA-konfereeʹnsest!
Sääʹm-museo da Luâttkõõskõs Siida lij Aanar siidâst, Lääʹddjânnam säʹmmlai dommvuuʹdest kõõskâst. Siida tuåimmjummšest vaʹsttee Sääʹm-museo da Pâʹjj-Lappi luâttkõõskõs. Čuäjtõssân da šõddmõššân tuåimmje tââʹv vuäppsen: vuäʹpstep kueʹssen jânnamâkksaž da jieʹlli sääʹmkulttuuʹre da aarktlaž luõttu.
Mij leäʹped Siida
Sääʹm-museo
Sääʹm-museo Siida lij väʹlddkååddlaž vaʹsttõsmuʹzei spesiaalsueʹrǧǧen sääʹmkulttuur da vooudlaž vaʹsttõsmuʹzei kulttuurpirrõstuâjain säʹmmlai dommvuuʹdest. Ruõkkâp norldõõǥǥeen Lääʹddjânnam säʹmmlai jiõggsaž da aunnsallaš kulttuur da čuäʹjtõõllâp tõn čuäjtõõzzin õõlmtõõzzin. Kõskksaž täävtõssâm lij tuärjjeed säʹmmlaž identiteeʹtt da kulttuurlaž jiõččtoobd. Sääʹm-museost lie sääʹmkulttuur ruõkki vuäʹbbmuʹzei jeeʹres Tâʹvvjânnmin da Ruõššjânnmest. Kuullâp še maaiʹlm alggmeerai muʹzeisäiʹmmõʹsse.
Tobdstõõđ miʹjjid
Luâttkõõskõs
Meäʹcchalltõs luâttkõõskõõzz lie määŋgpeällsa kõʹllʼjempääiʹǩ da luâtt-teâđ jeäʹlstõstiudd teâttkääiv. Älšmâʹttep oummid liikkeed da virksmõõttâd luâđast. Luâttkõõskõs Siida lij Meäʹcchalltõs tââʹvmõs luâttkõõskõs da tuåimmjep õhttsažtuâjast Sääʹm-muʹzei Siidain.
Tobdstõõđ miʹjjidČuäjtõõzz da šõddmõõžž
Põõšši čuäjtõõzz
Vuâđđčuäjtõs
Vuâđđčuäjtõõzzsteen sääʹmkulttuur da tââʹv luâtt čõnnâʹtte õʹhtte õhttân čuäjtõsobbvuõttân, kååʹtt taʹrjjad jeäʹlstõõzz da visuaalʼlaž ǩiõččlâsttmõõžž lââʹssen jiânnai teâđ. Vuâđđčuäjtõõzz lie puuʹtʼtam Sääʹm-muʹzei da Luâttkõõskõs õhttsažtuâjast.
Looǥǥ lââʹzz
Ålggmuʹzei
Siida ålggmuʹzei pohtt ouʹdde Lääʹddjânnam säʹmmlai kulttuurääʹrb, raajjâmääʹrb da jieʹllemvuõʹjjid. Mij ålggmuʹzeeʹjest lij mâiʹd ǩiiččeed. Ålggmuʹzeeʹjest vuäinak, mäʹhtt säʹmmla lie jälstam da måkam raajõõzzid raajjâm. Raajjmõš da jälstummuš mušttle še jieʹllemvuõʹjjin da jieʹllemnääʹlest.Vuuʹdest lie sõrgg 50 raajõssâd da rajlmed, kook lie juâǥtõllum kulttuurvuuʹdi leʹbe ââʹnnemnääʹll meâldlânji nuʹtt 800 mettred kuuʹǩǩ čâustõknallšem pälggaz peällsa. Pälggaz peällsest vuäitak tobdstõõttâd Lääʹddjânnam koolm sääʹmkulttuur...
Looǥǥ lââʹzzŠõddmõõžž
Siidast kääzzkâʹstte
Siida Shop
Muʹzeikaupp Siida Shop tiuddad kueʹssreeis čuäjtõʹsse da taʹrjjad sääʹmkulttuur da Sääʹmjânnam luâđ õhtteei ouddsid.
Looǥǥ lââʹzz
Sarrit restrantt
Sarrit kaaʹffpõrtt-restraantâst viõʹttjak maaššâd da virksmõõttâd vuâŋŋmõšpoodd čuäjtõs ǩiõččmõš luäʹmest.
Looǥǥ lââʹzz
Aanar maatkčemvuäʹpstummuš
Luâttkõõskõs Siidast tuåimmjeei Aanar kååʹdd maatkčemvuäʹpstempääiʹǩest vuäǯǯak ääiʹjpoddsaž teâđ Aanar kõʹllʼjummšad plaanummša 31.12.2024 räjja.
Looǥǥ lââʹzzTeâđtõõzz
Teâđtõs
Sääʹm-museo Siida Virtuaalʼlaž Sääʹmm (Virtuaalinen Saamenmaa) -haʹŋǩǩõs lij älggam
Sääʹm-museo Siida lij vuäǯǯam mättʼtõs- da kulttuurministeria jueʹǩǩem kulttuur- da kreevsõs suõʹrji ođsmummuž raajâstuärjjõõzz 3D äuʹǩǩummuž museotuâjast tuʹtǩǩeei pilotthaʹŋǩǩõõzz čõõđ viikkmõʹšše. Virtuaalʼlaž Sääʹmm leʹbe VISA-haʹŋǩǩõs aaʹlji 1.6.2024 da juätkkai 30.9.2025 räjja.
Looǥǥ lââʹzz
Teâđtõs
Lääʹddjânnam tääʹssvääʹld presideʹntt Alexander Stubb kõʹllʼji Sääʹm-museo da Luâttkõõskõs Siidast 24.5.2024
Kõʹllʼjummuž eeʹžždõʹšše Sääʹm-museofoond halltõõzz saaǥǥjååʹđteei Veikko Feodoroff, museojååʹđteei Taina Máret Pieski da Aanar kåʹddjååʹđteei Tommi Kasurinen. Kõʹllʼjummša vuässõʹtte še Sääʹm-museo amanueeʹns Marjo-Riitta Rantamäki da Konsta Verta.
Looǥǥ lââʹzz
Teâđtõs
Sääʹm-museo da Pâʹjj-Lappi luâttkõõskõs Siida vaʹlljeeš Eeʹjj museon 2024
Eeʹjj museo 2024 -ciist juõʹǩǩeš täʹbbe vueʹssmannu 23. peeiʹv Lääʹddjânnam museoleett da Meeraikõskksaž museosuåvtõs ICOM riâššâm Museocisttgaalâst Jyväskyläst.
Looǥǥ lââʹzz