Teâđtõõzz

Nurmeeʹss museo norldõõǥǥid kuullâm sääʹmtäʹvvrid luõvteš Sääʹm-museo Siidaaʹje piâtnâc 30.10.2026. Nuʹtt 30 ââʹnnem- da ǩiõtt-tuâjjtäʹvver obbvuõtt tiuddad Sääʹm-museo Siida norldõõǥǥid da mušttal jiijjâs vueʹzzeld mainnâz tõʹst, mäʹhtt sääʹmtäʹvvrid leät aaiʹji mieʹldd noorrâm da mäʹhtt tõk lie šõddâm museoi norldõõǥǥid pirr Lääʹddjânnam da maaiʹlm. Lij fiinâs, što täk täʹvver puäʹtte ååʹn Siida norldõõǥǥi vueʹssen da âʹlddlab sääʹmõutstõõzzid, kooi kulttuurärbba tõk koʹlle. Leäʹp späʹssballaž Nurmeeʹss museooʹje šiõǥǥ õhttsažtuâjast da tõʹst, što leäʹp kaunnâm õõutâst täʹvvrid tõid suåppi pääiʹǩ. Täʹvvri puättmõš Siidaaʹje ij leäkku puuttâmsââʹjj, peʹce ođđ algg. Tuäivvap, što tõk vuäiʹtte eʹpet puʹhtted räämm di tõid õhttneei teâđ da tääid sääʹmõutstõõzzid da...

Sääʹm-museo Siida da Kiasma Oktii Aidna – Õʹhttešt oʹdinakai -õhttsažčuäjtõs nåårr õʹhtte sääʹm da säʹmmlaid ǩiõttʼtõõlli ânnʼjõžčeäppõõzz Sääʹmjânnmest Lääʹdd, Ruõcc da Taar peäʹlnn. Čuäjtõs ävvan Siidast 16.10.2026. Ânnʼjõžääiʹj neellj riikk voudda vuällai Sääʹmm leʹbe Sääʹmjânnam leäi juʹn ouddâl tâʹvvjânnmallaš riikkfiʹttjõõzz leʹbe meersažjurddsi. Õʹhttešt oʹdinakai -čuäjtõs pohtt ouʹdde ânnʼjõžčeäppõõzz, mâʹst täʹrǩstõõlât Sääʹm da sääʹmvuõđ nuʹtt, što säʹmmla jiijj mušttle tõn. Čuäjtõõzzâst lie mieʹldd 17 čeäppõsneʹǩǩed. Väʹlddvueʹss tuejjõõzzin lie 2000–2020-lååǥǥain, puärrsummuz 1980-lååǥǥast. Täi eeʹǩǩlooʹjji ääiʹj sääʹmõhttsažkåʹdd lij tuärram čuõkku tâʹvvjânnmallaš lääʹjjšiõttummša da meeraikõskksaž tieʹttemvuõʹtte.

Sääʹm-museo Siida kulttuurpirrõskääzzkõõzz lie ǩidd 29.6–31.7.2026 da teʹl museo ij uuʹd ciâlklmid. Šiõǥǥ ǩieʹzz!

Sääʹm-museo Siida Norldõõǥǥ mušttle -haʹŋǩǩõõzzâst leät tuejjääm ođđ sääʹmǩiõllsaž aunstõspaʹǩaatid vuâđđmättʼtõõzz ââʹnnma. Vuõssmõs aunstõspaʹǩat lij ååʹn õlmstõttum, da kueʹhtt jeeʹres paʹǩaat õlmstââʹttet tõn mieʹldd, ko mââimõs jåårǥlõõzz valmštâʹvve.

Sääʹm-museo Siida lij vuâsttavälddam miârkteei nuõrttsääʹm täʹvvri sǩiâŋkkmõõžž, koon Eeva Nykänen (j.s. Feodoroff) Čeʹvetjääuʹrest sǩiâŋki. Sǩiâŋkkmõš âânn seʹst nuõrttsäʹmmlai täʹvvrid, kook lie leämmaž arggpeivvsaž ââʹnnmest määŋg puõlvvõõǥǥ ääiʹj.

Sääʹm-museo Siida toiʹmmjummuž tuõʹllʼjeei Sääʹm-museofondd vaʹlljii halltõõzz såbbrest 8.12.2025 ođđ halltõõzz iiʹjjid 2026–2029.

Sääʹm-museo Siidast lij ååʹn haʹŋǩǩõs, mâʹst oouʹdeet sääʹmǩiõllsaž digitaalʼlaž aunstõspaʹǩaatid vuâđđmättʼtõõzz ââʹnnma. Paʹǩaati siiskõs vuâđđââvv Sääʹm-museo täʹvvernorldõõǥǥid, kook lie äävnallšeld vuäǯǯamnalla Siida Finna-seiddõõzzâst, di jeeʹres Finna-organisaatioi sääʹmsiiskõõzzid, mâʹte snimldõõǥǥid, arkiivid da ǩeerjlažvuõʹtte.

Kiasma da Sääʹm-museo Siida õhttsažčuäjtõs Õʹhttešt oʹdinakai nåårr õʹhtte sääʹm da säʹmmlaid ǩiõttʼtõõlli ânnʼjõžčeäppõõzz Sääʹmjânnmest Lääʹdd, Ruõcc da Taar peäʹlnn. Čuäjtõs ävvan Kiasmast pâʹsslašttâm-mannu 27. peeiʹv 2026. Vueʹzz čuäjtõõzzâst vueiʹnet mâʹŋŋlubust kålggmannu 2026 rääʹjest Siidast, Aanrest.

Min čoakkáldat – Mij norldõk -haʹŋǩǩõõzzâst Sääʹm-museo Siida täävtõssân lie pueʹreed museo täʹvvernorldõõǥǥid vuällamvuõđ, oouʹdeed õutstõõzzlaž museotoiʹmmjummuž da ruõkkâd aunnsâʹttem kulttuurääʹrb. Haʹŋǩǩõõzzâst ooudâs viiǥǥât siida.finna.fi-ooccâmkääzzkõõzz tååimlažvuõđ sääʹmǩiõʹlle. Tääʹrǩmõs täävtõssân lij obbnes tâʹvvsääʹmǩiõllsaž versio seiddõõzzâst. Tät šõddad raʹvves vuâđ, koon mieʹldd jeeʹres sääʹmǩiõli lââʹzztummuš seiddõʹsse šâdd še vueiʹtlviʹžžen pueʹttiääiʹj.

Sääʹm-museo Siida lij vuäǯǯam mättʼtõs- da kulttuurministeria jueʹǩǩem kulttuur- da kreevsõs suõʹrji ođsmummuž raajâstuärjjõõzz 3D äuʹǩǩummuž museotuâjast tuʹtǩǩeei pilotthaʹŋǩǩõõzz čõõđ viikkmõʹšše. Virtuaalʼlaž Sääʹmm leʹbe VISA-haʹŋǩǩõs aaʹlji 1.6.2024 da juätkkai 30.9.2025 räjja.