Pâʹjj-Lappi luâttkõõskõs Siida äʹššneǩ-kääzzkõõzzâst vuäʹpstep luâđast jååttmõʹšše da åuggan liikkummša õhttneei kõõččmõõžžin tââʹvmõs Lappi leʹbe Aanar da Uccjooǥǥ kooʹddi vuuʹdin. Vieʹǩǩtep ânnʼjõõvvi kõʹllʼjempaaiʹǩi da ǩeäinai vaʹlljummšest di vuäʹpstep staaʹnes luâđast jååttmõʹšše.
Mij kaartin käunnʼje åuggan liikkeem- da mäddkaart Tâʹvv-Lappi voudda. Miʹjjid vuäitak tuejjeed še iʹlmmtõõzz meäcca vueʹlǧǧmest.
Kääzzkõõzz luâđastjooʹttjid da jooʹttjid
Meäʹcchalltõõzz äʹššneǩ-kääzzkâʹsttempäiʹǩǩ Luâttkõõskõs Siidast lij šiõǥǥ vueʹlǧǧemsââʹjj nuʹtt âʹlddluâttreissu, kueʹllšeeʹllemreissu ko še kuuʹǩǩab jååttmõʹšše poostaijânnmest. Čiâss vuejjam-määʹtǩ seʹst Luâttkõõskõs Siidast lie Lääʹddjânnam fijnnsummus luâđast jååʹttempaaiʹǩid kuulli Leammi meermeäʹcc da Kevo luâttmuõrrkaardâs di Pääʹnntuõddâr, Väʹččer, Mueʹtǩǩtuõddâr, Kaldoaivi di Paistuõddâr veiddsõs poostaivuuʹd.
Aanarjääuʹrest da Aanar ceerkavsiid pirrõõzzâst leʹddi Aanar luâđast jååʹttemvuuʹd ǩeäin veʹǩǩe peiʹvvreeisaid vuuʹd moččummus kueʹstlmid. Harjjnam čääʹʒʒ âʹlnn jooʹttja Aanarjäuʹrr taʹrjjad jiânnai kõʹllʼjempaaiʹǩid. Aanarjäuʹrr, Juvduujokk, Njauddâmjokk da poostaivuuʹdi määŋg tuõddârjääuʹr lie pueʹrmõs šeeʹllemsââʹj kueʹllšiiʹllʼjid.
Mij äʹššneǩ-kääzzkõõzzâst vuäǯǯak teâđ täi vuuʹdi luâđast jååʹttemkääzzkõõzzin da luâđast. Jååʹttempaaiʹǩin da tõid õhttneei kääzzkõõzzin kaaunak teâđ juʹn ouddǩiõʹtte mij Luontoon.fi-kääzzkõõzzâst.
Kueʹllšeeʹllem- da mieʹcstemaaʹššid vuäitt håiddad hiâlpâld neeʹttest Eräluvat.fi-kääzzkõõzzâst (lääddas) leʹbe Skååttrdemlooʹvi kääzzkâʹsttemnââmrest 020 69 2424, kååʹtt lij äävai aarǥi čiâss 9–15. Kääzzkâʹsttemnââmrest vuäitak haʹŋǩǩeed pääiklai määusteʹmes kueʹllšeeʹllemlooʹvid, kåʹddniiʹǩǩi määuslaž jokk-kueʹllšeeʹllemlooʹvid da sääʹmvuuʹd kueʹllšeeʹllemlooʹvid di teâđ täid kuõskki kõõččmõõžžid.
Riikk jânnmi jeeʹres looʹvin da miâsttmõõžžin vuäǯǯak teâđ Meäʹcchalltõõzz neʹttseeidain (lääddas).
Meäʹcchalltõs Pâʹjj-Lappi luâttkõõskõs Siidast:
Meäʹcchalltõõzz äʹššneǩ-kääzzkõs Siidast lij äävai mââibaarǥâst sueʹvta čiâss 10–17.
Teʹl. 0206 39 7740
siida(at)metsa.fi
Luontoon.fi
Skååttrdemlååʹv-kääzzkâʹsttemnââmar: 020 69 2424 (arggpeeiʹvi čiâss 9–15)
e-mail: eraluvat(at)metsa.fi www.eraluvat.fi (lääddas)