Siida Shop

Muʹzei- da luâttkaupp Siida Shop tiuddad kueʹssreeis čuäjtõʹsse da taʹrjjad sääʹmkulttuur da Sääʹmjânnam luâđ õhtteei ouddsid.

Määŋgpeällsast da vueʹǩǩšõs vaalljstõõǥǥâst kaaunak äʹrbbvuõđlaž sääʹmǩiõtt-tuâi, luâđ da sääʹmkulttuur ǩiõttʼtõõleeʹl ǩeʹrjjlažvuõđ, sääʹmǩiõllsaž ǩeʹrjjlažvuõđ (päärnaiǩeeʹrji še), musiikk da mäddkaartid di pååʹštkoortid.

Persoonʼnallšeeʹm ouddaz pirr Sääʹmjânnam

Jääʹǩǩtep kauppouddaz vuäʹsttmen eettlaž turiism da kauppõõllmõõžž vuâʹđđjurddid. Vaalljstõõǥǥâst lie jiânnai pääiklažkulttuur õhtteei ouddaz ǩiõtt-tuâjjneeʹǩǩin da plaaneeʹjin pirr Sääʹmjânnam. Kaaupšemnalla leʹddi hieʹrv da ǩiõtt-tuâi lie tääuʹjben pâi mueʹdd. Meeʹst kaaunak âʹte vuâsti grååtnâs da persoonʼnallšeeʹm mäʹtǩǩmooštid da gostneeʹccid.

Mäddkaart jooʹttjid

Vaalljstõõǥǥâst käunnʼjet še jiânnai kaartid Lääʹddjânnma pueʹrmõs jååttmõš täävvtõõǥǥi da Taar di Ruõcc beälla mõõnni jååʹttemǩeäinid. Jõs leäk määʹtǩest jååʹttem, Siida Shop lij šiõǥǥ päiʹǩǩ ââʹnned uʹcc kõõut da tiuddeed neävvid.

Tobddõõđ ouddsid instagraammâst

Siida Shop-kaaupâst ij leäkku neʹttkaaup. Ouddsid vuäitt tobddõõttâd instagraammâst. Toʹben lie snimldõõǥǥ ođđ ouddsid da mainstep miõllǩiõssi šõddmõõžži pirr.

Tiõrv pueʹttem Siida Shop-kauʹppe!

Äʹšštobddlâz personkåʹdd vieʹǩǩat miõllstes vuästtõõzzivuiʹm da maainast jeänab ouddsin.

Õhttvuõđteâđ:

Siida Shop/ Sääʹm-muʹzei, tel. 0400 898 212, siida(at)samimuseum.fi
Siida Shop/ luâđkõõskõs, tel. 0206 39 7740, siida(at)metsa.fi