Siida

Säämimuseo

Säämimuseo Siida lii väldikodálâš ovdâsvástádâsmuseo sämikulttuur spesialsyergist já kuávlulâš ovdâsvástádâsmuseo kulttuurpirâstooimâin sämmilij päikkikuávlust. Mij vuorkkip jieččân čuágálduvváid Suomâ sämmilij vuoiŋâlâš já amnâslâš kulttuur já čaitâččep tom čáitálduvâin já almostitmijn. Mii kuávdáš ulme lii tuvdeđ sämmilâš identiteet já kulttuurlâš jieštobdo. Säämimuseost láá sämikulttuur vyerkkejeijee uábbimuseoh eres Tave-enâmijn já Ruošâst. Mij kuullâp meiddei maailm algâaalmugij museoviärmádâhân.

Uápásm miiguin

Čáitálduvah já tábáhtusah

Vuáđučáitáldâh

Mii vuáđučáitálduvâst sämikulttuur já tave luándu punjâseh ohtân čáitáldâholesvuottân, mii fáálá visuaallâš feerim lasseen valjeest tiäđu. Säämimuseo já Luándukuávdáš lává pyevtittâm vuáđučáitálduv ohtsâšpargoost.

Luuvâ lase

Olgomuseo

Siida olgomuseo čaaitâš Suomâ sämmilij kulttuuräärbi, huksimärbivyevi já iäláttâsâid.

Luuvâ lase

Čáitálduvah

Oktii Áidna – Sämmilii Taiđuu Äigi

16.10.2026. - 3.4.2027

Kiasma já Säämimuseo Siida ohtsâš čáitáldâh čuákkee oohtân sämmilii já sämmilijd kieđâvuššee táálááštaiđuu Suomâ, Ruotâ já Taažâ peln Säämist. Táálááš Säämi lii neelji staatâ kuávluin. Sämieennâm lâi kuittâg lemin ovdil tave-eennâmlii staatâibárdâs tâi aalmuglâšjurduu. Čáitáldâh oovdânpuáhtá táálááštaiđuu, mii läiđee tarkkuđ sämmilâšvuođâ sämmilij jieijâs muštâlusâi vuáđuld. Taaiđâ loptee uáinusân maaŋgâkiärdásijd feeriimijd. Feeriimijn sämmilâšvuotâ iälá já juátká eellim huolâhánnáá ulgguubeln asâttum ráhtusijn.

Luuvâ lase

Tábáhtussáid

Tiäđáttâsah

Säämimuseo Siida já Kiasma ohtsâš čáitáldâh “Oktii Áidna – Sämmilii Taiđuu Äigi” puátá Siidan

Kiasma já Säämimuseo Siida ohtsâš čáitáldâh, Oktii áidna, čuákkee oohtân sämmilii já sämmilijd kieđâvuššee táálááštaiđuu Suomâ, Ruotâ já Taažâ peln Säämist. Čáitáldâh lekkâs Siidast 16.10.2026. Táálááš Säämi lii neelji staatâ kuávluin. Sämieennâm lâi kuittâg lemin ovdil tave-eennâmlii staatâibárdâs tâi aalmuglâšjurduu. Oktii áidna -čáitáldâh oovdânpuáhtá táálááštaiđuu, mii läiđee tarkkuđ sämmilâšvuođâ sämmilij jieijâs muštâlusâi vuáđuld. Čáitálduvâst láá fáárust 17 taidârid. Iänááš uási...

Luuvâ lase

Sämimuseo Siida já Kiasma oovtâstpaargon: Ohtsâščáitáldâh, mii lekkâs kiđđuv, oovdânpuáhtá vijđáht sämmilii tááláštaiđuu

Kiasma já Sämimuseo Siida ohtsâščáitáldâh Ohtii áinooh čuákkee oohtân sämmilii já sämmilijd kyeskee tááláštaiđuu Suomâ, Ruotâ já Taažâ Säämist. Čáitáldâh lekkâs Kiasmast njuhčâmáánu 27. peeivi 2026. Uási čáitálduvâst puáhtá uáiniđ maŋeláá roovvâdmáánu 2026 rääjist Siidast, Anarist.

Luuvâ lase

Säämimuseo Siida puávdee siärvus mieldi valjiđ tiiŋgâid vuáđučáitáldâhân

Säämimuseo Siida puávdee sämisiärvus mieldi valjiđ tiiŋgâid vuáđučáitáldâhân. Museo väljee sämmilâštiiŋgâid Siida vuáđučáitálduv siärvusvitriinân oovtâst siärvusijn. Taan tove uáinusân peesih Tave-Pohjanmaa museo skeŋkkim sämmilâštiiŋgah, moh kuleh Samuli Paulaharju čáitáldâhân. Mij molsop siärvusvitriin tiiŋgâid huolâttâspuudâ ääigi vyesimáánust 2025.

Luuvâ lase