Norldõõǥǥ mušttle – Sääʹmǩiõllsa aunstõspaʹǩaat Sääʹm-museo Siida Finna-siiskõõzzin -haʹŋǩǩõõzzâst puuʹtʼtet sääʹmǩiõllsaž digitaalʼlaž aunstõspaʹǩaatid vuâđđmättʼtõõzz ââʹnnma. Paʹǩaati siiskõõzz vuâđđâʹvve Sääʹm-museo Siida Finnast õlmstâʹttem täʹvvernorldõõǥǥid da čuäjtõs-siiskõõzzid, leâša lââʹssen tõin äuʹǩǩeet jeeʹres Finna-organisaatioi sääʹmsiiskõõzzid, mâʹte snimldõõǥǥid, arkiivaunstõõzzid da ǩeerjlažvuõđ.
Aunstõspaʹǩaatid puuʹtʼtet tâʹvv-, aanar- da nuõrttsääʹmǩiõʹlle di lääʹddǩiõʹlle, da tõid õlmstââʹttet Sääʹm-museo Siida Finna-seiddõõzzâst. Täävtõssân lij ravveed sääʹm kulttuurääʹrb kuâsttjemvuõđ da vuällamvuõđ mättʼtõõzzâst di oouʹdeed maall, koon veäkka sääʹmǩiõllsaž mättmateriaalid vueiʹtet puuʹtʼted hiâlpben še pueʹttiääiʹj.
Uʹčteeʹli taarb da tuõivvi lie kõskksaž vuâlggsââʹjj aunstõspaʹǩaati plaanummšest. Haʹŋǩǩõõzz ääiʹj lââʹzztet še tieʹttemvuõđ Finna-kääzzkõõzz mättʼtõsâânnmõõžž vueiʹttemvuõđin da riâžžât tuõivvji mieʹldd sääʹmǩiõllsaž uʹčteeʹlid jurddum noorõõttmõõžžid. Haʹŋǩǩõõzz teäggat mättʼtõs- da kulttuurministeria.
Haʹŋǩǩõsäiʹǧǧ: 1.4.2025–31.3.2026