Sámemusea Siidda Čoakkáldagat muitalit – fidnus buvttaduvvojit sámegielat digitála materiálapáhkat vuođđooahpahusa geavahussii. Páhkaid sisdoalut vuođđuduvvet Sámemusea Siidda Finna dávvirčoakkáldagaide ja čájáhussisdoaluide, muhto daid lassin páhkain ávkkástallojuvvojit maiddái eará Finna-organisašuvnnaid sámesisdoalut, nugo čuovgagovat, arkiivamateriálat ja girjjálašvuohta.
Materiálapáhkat buvttaduvvojit davvisáme-, anáraš- ja nuortalašgillii ja suomagillii, ja dat almmustahttojuvvojit Sámemusea Siidda Finna-siidduin. Ulbmilin lea nannet sápmelaš kulturárbbi oinnolašvuođa ja olahahttivuođa oahpahusas ja ovddidit málle, man vehkiin sámegielat oahppamateriálaid lea vejolaš buvttadit álkit maiddái boahttevuođas.
Oahpaheaddjiid dárbbut ja sávaldagat leat guovddášlaš vuolggasadjin materiálapáhkaid plánemis. Fidnu áigge lasihuvvo maiddái diehtu Finna-bálvalusa oahpahusgeavahusa vejolašvuođain ja lágiduvvojit sávaldagaid mielde sámegielat oahpaheaddjiide dárkkuhuvvon dilálašvuođat. Fidnu ruhtada Oahpahus- ja kulturministeriija.
Fidnoáigi: 1.4.2025–31.3.2026