Mij uuccâp ollâškovlâhárjuttellee kulttuurpirâspaargon Säämimuseo Siidan
Säämimuseo Siida lii väldikodálâš ovdâsvástádâsmuseo sämikulttuur spesialsyergist já kuávlulâš ovdâsvástádâsmuseo kulttuurpirâstooimâin sämmilij päikkikuávlust. Mij vuorkkip museo čuágálduvváid Suomâ sämmilij vuoiŋâlâš já amnâslâš kulttuur já čaitâččep tom čáitálduvâin já almostitmijn. Mii kuávdáš ulme lii tuvdeđ sämmilâš identiteet já kulttuurlâš jieštobdo.
Ollâškovlâhárjuttellee váldupargon lii kulttuurpirâsohtâduv arkeologlâš kulttuurärbipargo, tego kieddipargo, toovlášpasâttâsregister peividem sehe ohtâduv digitistem- já arkkâdâhpargo. Paargon pyehtih kulluđ meid eres museopargoh, tego viestâdem museo sosiaallâš media lavdijd já huksimáárbán lohtâseijee stivrejum pargoh.
Mij vyerdip tust arkeologlâš kulttuuräärbi já sämmilij kulttuur tubdâm sehe máátu toimâđ meecist já B-vyejimkoortâ. Ton lasseen vyerdip pyeri tiätuteknisâš juávdu, huolâlâšvuođâ já jiečânâs pargovyevi sehe puorijd vuáruvaikuttâstááiđuid. Sämikielâ tááiđu anneep hiättun.
Mij faallâp tunjin máhđulâšvuođâ porgâđ uássin áámmáttáiđulii pargosiärvus já kulttuurpirâsohtâdâh-juávhu já faallâp pargohárjánem sämikuávlu kulttuurpirâspargoost. Mij faallâp meid njyebžilis pargoaaigijd já išedep aassâmviäsu ucâmist.
Hárjuttâllâm pištá sopâmuš mield 2–3 mánuppaje, algâttem mielâst vyesimáánust 2026. Hárjuttâllâm lii máhđulâš čođâldittiđ meid kyevti uásist.
Äigimuddo já hárjuttâllâm pištem: vyesi-čohčâmáánu 2026
Pargoäigi: 38 tijmed ohhoost
Pälkki: 1500 €/mánuppaje
Majemuš uuccâmpeivi: 27.2.2026
Rijjâhámásâš ucâmuš já CV šleđgâpostáin intendent Eija Ojanlatvan, eija.ojanlatva(at)samimuseum.fi paječalluin: Ucâmuš ollâškovlâhárjuttellen. Sahhiittâlmeh uárnejuvvojeh 12.3.2026 Teams peht.