Aanaar säämimuseo algâttij tooimâs jo 1960-lovvoost olgomuseon. Juurdâ moodeern museotooimâ vatâmušâid tevdee viäsu rähtimist šoodâi 1980-lovo aalgâst. Meccihaldâttâs pelestis lâi suunâttâlškuáttám luándukuávdáá Lemmei. Säämimuseopargojuávkku vuáđudui 1987, ja tot raahtij vuáđudemvuávám Säämimuseo já luándukuávdáá ohtâsâš viäsuhaahân. Juhani Pallasmaa hammim Siida-viäsu valmâštui ive 1997, já almugân tot lekkâsij cuáŋuimáánust 1998.
Siida-viäsust láá Säämimuseo já luándukuávdáá lasseen Siida Shop, raavâdviäsu Sarrit já Aanaar kieldâ mađhâšemravvim. Tai aaigij mij lep ohtâ Tave-Laapi pivnohumijn kollimsoojijn. Ive 2018 mii kuállejii 117 079 olmožid: čáitáldâh- já tábáhtuskyesih, Meccihaldâttâs vandârdemravvim já Aanaar kieldâ mađhâšemravvim sehe Siida Shop já raavâdviäsu Sarrit äššigâsah.