Säämimuseo
Säämimuseo Siida lii väldikodálâš ovdâsvástádâsmuseo sämikulttuur spesialsyergist já kuávlulâš ovdâsvástádâsmuseo kulttuurpirâstooimâin sämmilij päikkikuávlust. Mij vuorkkip jieččân čuágálduvváid Suomâ sämmilij vuoiŋâlâš já amnâslâš kulttuur já čaitâččep tom čáitálduvâin já almostitmijn. Mii kuávdáš ulme lii tuvdeđ sämmilâš identiteet já kulttuurlâš jieštobdo. Säämimuseost láá sämikulttuur vyerkkejeijee uábbimuseoh eres Tave-enâmijn já Ruošâst. Mij kuullâp meiddei maailm algâaalmugij museoviärmádâhân.
Uápásm miiguinČáitálduvah já tábáhtusah
Pisoviih čáitálduvah
Vuáđučáitáldâh
Mii vuáđučáitálduvâst sämikulttuur já tave luándu punjâseh ohtân čáitáldâholesvuottân, mii fáálá visuaallâš feerim lasseen valjeest tiäđu. Säämimuseo já Luándukuávdáš lává pyevtittâm vuáđučáitálduv ohtsâšpargoost.
Luuvâ lase
Pisoviih čáitálduvah
Olgomuseo
Siida olgomuseo čaaitâš Suomâ sämmilij kulttuuräärbi, huksimärbivyevi já iäláttâsâid.
Luuvâ laseSiidast palvâleh
Siida Shop
Museokävppi Siida Shop tievâsmit čáitáldâhkuásástâllâm sämikulttuurân já Laapi luándun lahtojeijee pyevtittâsâiguin.
Luuvâ lase
Raavâdviäsu Sarrit
Makkuutteijee kähviviäsu-raavâdviäsu Sarritist puávtáh toollâđ virkosmittee vuoiŋâstempuudâ čáitálduvâi tutkâm kooskâst.
Luuvâ lase
Meccihaldâttâs Aanaar äššigâspalvâlem
Aanaar äššigâspalvâlusâst mij ravvip vaandârdmân já luándust jotemân lohtâseijee koččâmušâin ubâ tavemus Laapi ađai Aanaar já Ucjuv kieldâi kuávlust. Mij išedep hiäivulij čuosâttuvâi já kiäinui valjiimist já uápistep vandârdiđ torvolávt.
Luuvâ laseTiäđáttâsah
Tiäđáttâs
Sämimuseo Siida já Kiasma oovtâstpaargon: Ohtsâščáitáldâh, mii lekkâs kiđđuv, oovdânpuáhtá vijđáht sämmilii tááláštaiđuu
Kiasma já Sämimuseo Siida ohtsâščáitáldâh Ohtii áinooh čuákkee oohtân sämmilii já sämmilijd kyeskee tááláštaiđuu Suomâ, Ruotâ já Taažâ Säämist. Čáitáldâh lekkâs Kiasmast njuhčâmáánu 27. peeivi 2026. Uási čáitálduvâst puáhtá uáiniđ maŋeláá roovvâdmáánu 2026 rääjist Siidast, Anarist.
Luuvâ lase
Tiäđáttâs
Säämimuseo Siida puávdee siärvus mieldi valjiđ tiiŋgâid vuáđučáitáldâhân
Säämimuseo Siida puávdee sämisiärvus mieldi valjiđ tiiŋgâid vuáđučáitáldâhân. Museo väljee sämmilâštiiŋgâid Siida vuáđučáitálduv siärvusvitriinân oovtâst siärvusijn. Taan tove uáinusân peesih Tave-Pohjanmaa museo skeŋkkim sämmilâštiiŋgah, moh kuleh Samuli Paulaharju čáitáldâhân. Mij molsop siärvusvitriin tiiŋgâid huolâttâspuudâ ääigi vyesimáánust 2025.
Luuvâ lase
Tiäđáttâs
Säämimuseo Siida Virtuaallâš Säämi (Virtuaalinen Saamenmaa) -haahâ lii álgám
Säämimuseo Siida lii finnim Máttááttâs- já kulttuurministeriö jyehim kulttuur- já kreatiivlij suorgij uđâsmem ráhtustorjuu, vâi puáhtá olášuttiđ piiloothaavâ, mii totká 3D ävkkin anneem museopargoost. Virtuaallâš Säämi ađai VISA-haahâ aalgij 1.6.2024 já juátkoo 30.9.2025 räi.
Luuvâ lase