Siida čáitálduvah

Mii olgomuseost láá valjeest ääših tutkâmnáál. Kuávlust láá masa vittlov viässud já rakânâssâd, moh láá juohhum kulttuurkuávlu tâi kevttimulme miäldásijd juávhoid suullân 800 meetter kukkosâš suoppâinhámásâš pálgá piällás. Čuosâttuvah muštâleh Suomâ kuulmâ sämikulttuur kulttuurärbivyevist, rähtimärbivyevist já iäláttâsâin.

Säämimuseost lii keessiv kollimčuosâttâh meiddei nuorttâlâš kulttuur kuávdáást Čevetjäävrist, kost lii Nuorttâlij ärbivyehitáálu. Ärbivyehitáálust já ton šiljoost leijee olgomuseost mij muštâlep nuorttâlij historjást já čaitâččep aassâm- já rähtimvuovijd kyevti sierâ äigipaajeest. Nuorttâlij ärbivyehitáálust lii meiddei uccâ museokävppi.

16.10.2026. - 3.4.2027

Kiasma já Säämimuseo Siida ohtsâš čáitáldâh čuákkee oohtân sämmilii já sämmilijd kieđâvuššee táálááštaiđuu Suomâ, Ruotâ já Taažâ peln Säämist. Táálááš Säämi lii neelji staatâ kuávluin. Sämieennâm lâi kuittâg lemin ovdil tave-eennâmlii staatâibárdâs tâi aalmuglâšjurduu. Čáitáldâh oovdânpuáhtá táálááštaiđuu, mii läiđee tarkkuđ sämmilâšvuođâ sämmilij jieijâs muštâlusâi vuáđuld. Taaiđâ loptee uáinusân maaŋgâkiärdásijd feeriimijd. Feeriimijn sämmilâšvuotâ iälá já juátká eellim huolâhánnáá ulgguubeln asâttum ráhtusijn.

Tääbbin peesah uápásmiđ Siidast ovdil lamaš čáitálduvváid.

Siijđoh muštâleh anarâšâi historjást já kulttuurist. Valjaas tiätupakkeet lii ohtâsâšpyevtittâs Anarâškielâ servijn. Siijđoh anarâškielân, suomâkielân já eŋgâlâškielân.

Siijđoh muštâleh nuorttâlij historjást já täpikulttuurist nuorttâlâškielân, suomâkielân já eŋgâlâškielân.

Eatnanšaddu-siijđost čáittojeh sämmilij kevttim luándušadoh, toi šoddâmpirrâseh já kevttimvyevih. Šaddotiätuvuáđun láá vyerkkejum suullân 50 luándušado tiäđuh.