Puáđi uápásmuđ sämmilâštiŋgáid, moh láá Nordiska museetist, já kuldâliđ, magareh tiiŋgah nurâlduvâin láá já maid mij tain tiettip.
Tiiŋgah já provenienstutkâm puátuseh oovdânpuáhtojeh neelji ávus aalmugtilálâšvuođâst skammâmáánu 2026 já njuhčâmáánu 2027 koskâsii ääigi. Siida pargovievâ lasseen tilálâšvuođâst lává mieldi kyehti äššitobdee. Nordiska museet intendent Marit Baer, kote muštâl sämmilâštiiŋgâi nurâlduv šoddâmist sehe oovdânpuáhtá motomijd tiŋgâjuávhu tiiŋgâid tärhibeht. Oulu ollâopâttuv Giellagas-instituut totkeetuáhtár Eeva-Kristiina Nylander, kote vuod muštâl provenienstutkâmist já ton puátusijn.
4.11.2026 klo 17, Iänuduv, Vuáču já Suáđigil kuávlu tiiŋgah
9.12.2026 klo 17, Aanaar kuávlu tiiŋgah
10.2.2027 klo 17, Ucjuv kuávlu tiiŋgah
17.3.2027 klo 17, Nuorttâlij tiiŋgah
Tilálâšvuođah älgih tme 17 Suomâ ääigi já pišteh suulân 2 tiijme. Puoh tilálâšvuođah uárnejuvvojeh Teamsist siämmáá liiŋkâ peht: Siärvusliih káidustilálâšvuođah -Teams
Tilálâšvuođâin kevttip suomâ-, eŋgâlâš- já sämikielâ.
Sämimuseo Siida, Ruotâ Nordiska museet já Oulu ollâopâttuv Giellagas-instituut algâtteh oovtâstpargo sämmilii kulttuuräärbi ooleest. Haavâst tutkâp Nordiska Museet nurâlduvâin orroo, Suomâ staatâ kuávlust nurrum puáris sämmilâštiiŋgâi tuávááštiäđuid oovtâstpargoost sämisiärváduvâiguin. Oovtâstpargo lii uási Sämimuseo Siida Ellos min árbi – Eläköön kulttuuriperintömme -haavâst (2025–2028), mon ruttâd Suomâ kulttuurruttârááju.
Oovtâstpargo ulmen lii karttiđ Nordiska museet nurâlduvâi sämmilâštiiŋgâi proveniens ađai täärhib algâvuolguu, nuurrâmhistorjá já nurâlduv vijđesvuođâ.
Lieggâsávt tiervâpuáttim mieldi!
Lasetiäđuh tilálâšvuođâin:
Pia Nikula, Siärvustoimâvästideijee,
pia.nikula(at)samimuseum.fi,
p. 040 621 2663.
Luuvâ lase: Uusi yhteistyö avaa saamelaisesineiden historiaa nordiska museetin kokoelmissa
Koveh: Nordiska Museet digitaallii nurâlduvâst
