Boađe oahpásmuvvat sámedávviriidda Nordiska museet čoakkáldagain ja gullat, makkár dávvirat čoakkáldagain leat ja maid daid birra diehtit.
Dávvirat ja provenieansadutkamuša bohtosat ovdanbuktojuvvojit njealji rabas álbmotdilálašvuođas áigegaskkas skábmamánnu 2026 ja njukčamánnu 2027. Siidda bargiid lassin dilálašvuođain leaba mielde guokte áššedovdi. Nordiska museet intendeanta Marit Baer, gii muitala sámedávvirčoakkáldaga historjjás ja ovdanbuktá muhtin dávvirjoavkku dárkileappot. Oulu universitehta Giellagas-instituhta dutkandoavttir Eeva-Kristiina Nylander, gii fas muitala provenieansadutkamušas ja dan bohtosiin.
4.11.2026 klo 17, Eanodaga, Vuohču ja Soađegili guovllu dávvirat
9.12.2026 klo 17, Anára guovllu dávvirat
10.2.2027 klo 17, Ohcejoga guovllu dávvirat
17.3.2027 klo 17, Nuortalaš dávvirat
Dilálašvuođat álget dmu 17 Suoma áiggi ja bistet sullii 2 diimmu. Buot dilálašvuođat lágiduvvojit Teamsis seamma liŋkka bokte: Searvvušlaš gáiddusdilálašvuohta
Dilálašvuođain geavahit suoma-, eŋgelas- ja sámegiela.
Sámemusea Siida, Ruoŧas doaibmi Nordiska museet ja Oulu universitehta Giellagas-instituhtta álggahit sápmelaš kulturárbái laktáseaddji ovttasbarggu. Fidnus dutket Nordiska museet čoakkáldagaide gullevaš, Suoma stáhta guovllus čoggojuvvon boares sámedávviriid duogášdieđuid ovttas sámeservošiiguin. Ovttasbargu lea oassi Sámemusea Siidda Ellos min árbi -fidnu (2025–2028), man ruhtada Suoma kulturfoanda.
Ovttasbarggu ulbmilin lea kártet Nordiska museet čoakkáldagaide gullevaš sámedávviriid provenieanssa dahjege dárkilut vuolggasaji, čoagginhistorjjá ja čoakkáldaga viiddisvuođa.
Bures boahtin mielde!
Lassidieđut:
Pia Nikula, searvvušdoaimmavástideaddji,
pia.nikula(at)samimuseum.fi,
p. 040 621 2663.
Loga lasi: Ođđa ovttasbargu rahpá sámedávviriid historjjá Nordiska museet čoakkáldagain
Govat: Nordiska Museet digitála čoakkáldagain
