Kulttuurpiirâs meerhâš huksejum pirrâs já enâduv, moos eennâmkevttim já huksim historjá ja vyevih láá kuáđđám luodâidis. Sämmilâš keččâmkuávlu mield meiddei ärbitiätu kuávluin já soojijn – tegu päikkinoomah, lyeđih já jieškote-uvlágán muštâlusah – láá uási kulttuurpirrâsist. Sämikuávlu kulttuurpirrâsân lahtojeijee virgeomâhâšpargoh láá sirdum Museovirgáduvâst Säämimuseo kulttuurpirâsohtâdâhân, vâi sämikulttuur keččâmkuávlu valduuččij huámášumán pargoi tipšodijn.
“Enâdâh lii sämmilâžân historjákirje, mii muštâl moonnâmääigi tábáhtusâin. Enâduvâst iälá oles siärvus, mij eennâm alne elleeh, oovdeb suhâpuolvah já eennâmvuálááh. Enâduvâin láá mield meiddei pase já immeelvuotâ. Enâduvâst lii ennuv taggaar, mon ij pyevti čielgiđ.”
Päivi Magga, totkee
Mij tipšop arkeologlâš kulttuuräärbi sehe kulttuurpirrâsân lahtojeijee äššitobdee- já virgeomâhâšpargoid
Kulttuurpirâsohtâdâh västid sämikuávlust arkeologlâš kulttuurpirrâs sehe huksejum kulttuurpirrâs já enâduv äššitobdee- já virgeomâhâšpargoin. Toh láá ei. kaavaamân já eres eennâmkevttimân lahtojeijee ääših, ciälkkámušah já enâdâhtarkkumeh, sämikuávlust kavnum tiiŋgâi já áiccusij vuástáväldim sehe toovlášmuštoi tipšom. Ohtâduvâst porgâv ohtâ totkee já ohtâ arkeolog.
Arkeolog pargoid kuleh toovlášpasâttâsâi suojâlemääših, arkeologlâš tutkâmušah tegu toovlášmuštoi inventistem já kuáivumeh sehe arkeologlâš kulttuuräärbi tobdosin toohâm. Arkeologlâš kulttuuräärbi kalga väldiđ huámášumán eereeb iärrás kaavaamist, meccitipšomist já eres eennâmkevttimist.
Totkee västid sämikuávlust huksejum kulttuurpirrâs uásild ei. kaavaamân lahtojeijee virgeomâhâš- já äššitobdeepargoin. Museo lii meiddei aldasâš ohtsâšpargoost Laapi IJP-kuávdáin já Museovirgáduvváin kulttuurhistorjálávt mávsulâš viäsoid uáivildum tivvoomišeruuđâi kieđâvušmist.
Ohtâvuotâtiäđuh:
Ciälkkámušpivduuh: kirjaamo@samimuseum.fi
Arkeologlâš kulttuurärbi:
Intendent Eija Ojanlatva, eija.ojanlatva(at)samimuseumfi, puh. 040 167 6145
Amanuens Juha-Pekka Joona, juha-pekka.joona(at)samimuseum.fi, puh. 040 144 8292
Huksejum kulttuurärbi:
Amanuens Miina Tolonen, miina.tolonen(at)samimuseum.fi, puh. 044 796 5811
Restauristemmiäštár Marko Korkeasalo, marko.korkeasalo(at)samimuseum.fi, puh. 040 353 9965