Aanaar säämimuseo algâttij tooimâs jo 1960-lovvoost olgomuseon. Juurdâ moodeern museotooimâ vatâmušâid tevdee viäsu rähtimist šoodâi 1980-lovo aalgâst. Meccihaldâttâs pelestis lâi suunâttâlškuáttám luándukuávdáá Lemmei. Säämimuseopargojuávkku vuáđudui 1987, ja tot raahtij vuáđudemvuávám Säämimuseo já luándukuávdáá ohtâsâš viäsuhaahân. Juhani Pallasmaa hammim Siida-viäsu valmâštui ive 1997, já almugân tot lekkâsij cuáŋuimáánust 1998.
Siida-viäsust láá Säämimuseo lasseen Meccihaldâttâs Aanaar palvâlemsaje, SiidaShop já raavâdviäsu Sarrit. Tai aaigij mij lep ohtâ Tave-Laapi pivnohumijn kollimsoojijn.