Anára sámemusea álggahii doaimmas juo 1960-logus, dalle dat lei olgomusea. Jurdda ođđaáigásaš museadálus, mii deavddašii museadoaimma gáibádusaid, láddagođii 1980-logu álggus. Meahciráđđehus fas lei plánegoahtán luondduguovddáža Leammái. Sámemuseabargojoavku vuođđuduvvui 1987, ja dat ráhkadii vuođđudanplána Sámemusea ja luondduguovddáža oktasaš huksenfidnui. Juhani Pallasmaa sárgon Siida-dállu šattai gárvvisin 1997, ja olbmuide dat rahppui cuoŋománus 1998. Jagis 2025 Meahciráđđehusa Luonddubálvalusat ja Sámemusea Siida leat soahpan, ahte musea hálddašišgoahtá oalát Siidda čájáhusdoaimma. Rievdadus boahtá fápmui suoidnemánus 2025.
Siida-dálus leat Sámemusea lassin Siida Shop, restoráŋŋa Sarrit ja Anára gieldda turismarávven. Dán áigge mii leat okta Davvi-Lappi bivnnuhamos galledanbáikkiin.