Paje-Laapi Luándukuávdáš Siida äššigâspalvâlusâst mij ravvip vaandârdmân já luándust jotemân lohtâseijee koččâmušâin ubâ tavemus Laapi ađai Aanaar já Ucjuv kieldâi kuávlust. Mij išedep hiäivulij čuosâttuvâi já kiäinui valjiimist já uápistep vandârdiđ torvolávt.
Mii kárttávaljiittâsâst kávnojeh olgonjotteem- já enâdâhkáártáh Tave-Laapi kuávlun. Mijjân tun puávtáh meid almottiđ miäcán vyelgimist.
Palvâlusah vandârdeijei já luándust jottei várás
Meccihaldâttâs äššigâspalvâlemčyegis Luándukuávdáš Siidast lii šiev algâttemčyegis nuuvt aldaluándumáátkán, kuálástemreeisun ko kuhheeb-uv meccivaandârdmân. Tiijme vyeijimmääđhi siste Luándukuávdáš Siidast láá Suomâ fijnásumosáid vandârdemčuosâttuvváid kullee Lemmee aalmuglâšmecci já Kiävu luándumecci sehe Pänituoddâr, Vääččir, Myeđhituoddâr, Kaalduáivi já Paištuoddâr vijđes meccikuávluh.
Aanaarjäävri já Aanaar markkân pirrâsist leijee Aanaar vandârdemkuávlu kiäinuh tuálvuh peivimađhijd kuávlu muččâdumos enâduvváid. Hárjánâm čäcivandârdeijei Aanaarjävri fáálá valjaaht vandârdemčuosâttuvâid. Aanaarjävri, Juvduu, Njiävđámjuuhâ já meccikuávlui valjaas tuodârjäävrih láá kuálásteijei niävdusij čuosâttuvah.
Mii äššigâspalvâlusâst tun finniih tiäđuid täi kuávlui vandârdempalvâlusâin já luándust. Vandârdemčuosâttuvâin já toid lohtâseijee palvâlusâin tun kaavnah tiäđuid jo muuneeld mii Luontoon.fi-palvâlusâst.
Kuálástem- já miäcástemaašijd puáhtá tipšođ njyebžilávt viermist Eräluvat.fi-palvâlusâst (suomâkielân) tâi Eräluvat palvâlusnumerist 020 69 2424, mii lii áávus argân tme 9–15. Palvâlusnumerist tun puávtáh haahâđ páihálij mávsuttes kuálástemluuvijd, kieldâässei mávsulijd juhâkuálástemluuvijd já nuorttâlâškuávlu kuálástemluuvijd sehe tiäđuid taid kyeskee koččâmuššáid.
Staatâ enâmij eres luuvijn já mietâmušâin tun finniih tiäđuid Meccihaldâttâs viermisiijđoin (suomâkielân).
Meccihaldâttâs Paje-Laapi luándukuávdáš Siidast:
Meccihaldâttâs Paje-Laapi luándukuávdáš äššigâspalvâlem Siidast lii áávus majebaargâst lávárdâhân tme 10–17.
Puh. 0206 39 7740
siida(at)metsa.fi
Luontoon.fi
Eräluvat-palvâlemnummeer : Puh 020 69 2424 vuo-vás tijme 09-15
Šleđgâpostâ: eraluvat(at)metsa.fi www.eraluvat.fi (suomâkielân)