Luondduguovddáš Siidda áššehasbálvaleamis kárttát, rávvagat ja lobit Davvi-Lappi luonddus johttiide

Luondduguovddáš Siidda áššehasbálvaleamis mii rávvet vánddardeapmái, turismii ja lobiide laktáseaddji áššiin Anára ja Ohcejoga gielddaid guovlluin. Mis lea áššedovdámuš ja mii veahkehat válljet juohke áššehassii sutnje heivvolaš báikkiid gos fitnat ja bálgáid maid mielde johtit. Mii maiddái rávvet mo johtit meahcis dorvvolaččat. Mis lea áigeguovdileamos ja dárkileamos diehtu das, makkár dilli meahcis lea johtit iešguhtege jagiáigge, man gáibideaddjit bálgát ja johtolagat leat ja gos leat dolastallanbáikkit ja ávdinstobut. Mis leat ollu iešguđetlágan kárttát meahcis johtima várás Davvi-Lappi guovllus. Go don gulaskuttat rávvagiid vánddardeami várás, de sáhtát seammás maid almmuhit midjiide, ahte leat vuolgimin meahccái.

Bálvalusat vánddardeaddjiide ja meahcis johttiide

Luondduguovddáš Siidda Meahciráđđehusa áššehasbálvaleapmi lea earenomáš buorre báiki vuolgit lagaš lundui, guollebivdui dahje guhkit vánddardanreisui. Luondduguovddáš Siiddas ii leat biillain go diibmu Suoma fiidnámus vánddardanguovlluide. Lahka leat Leammi álbmotmeahcci, Geavu luonddumeahcci ja Bátneduoddara, Veahčira, Muotkkeduoddara, Gálddoaivvi ja Báišduoddara viiddis duoddarat ja meahcceguovllut. Anára vánddardanguovllu, mii lea Anára márkana birra, fállá beaivemohkkevánddardeddjiide miellagiddevaš johtolagaid ja ollu maid oaidnit ja muosáhit.

Juvdujohka boršu Siidda meattá Anárjávrái, gos lea earenomáš buorre johtit fatnasiin ja bivdit guoli. Min áššehasbálvaleamis oaččut dieđuid dáid guovlluid vánddardanbálvalusain ja luonddus. Mis sáhtát várret maid Meahciráđđehusa láigogámppáid ja viežžat čoavdagiid Davvi-Lappi guovllu láigogámppáide.

Lobit guolásteapmái, meahcásteapmái ja meahccejohtolahkii

Anárjávri, Juvdujohka ja Njávdánjohka ja máŋggat duottarjávrrit geasuhit earenomážit guollebivdiid. Sáhtát oastit lobiid dáidda earenomáš buorre guollečáziide min áššehasbálvaleamis. Dan lassin mii bálvalat meahcástan- ja meahccejohtolatlobiide laktáseaddji áššiin.

Meahciráđđehusa áššehasbálvaleapmi Siiddas:

Dárkkis Luondduguovddáš Siida rabasáiggiid dáppe
ja Meahciráđđehusa áššehasbálvalanbáikki rabasáiggiid dáppe

Tlf. 0206 39 7740
siida(at)metsa.fi
Lundui.fi
Eräluvat bálvaleapminummir tlf. 020 69 2424 vuo-bea diibmu 09-15
Šleađgapoasta: eraluvat(at)metsa.fi www.eraluvat.fi