Nuorttâlij ärbivyehitáálu čáitáldâh

Säämimuseost lii keessiv kollimčuosâttâh meiddei nuorttâlâš kulttuur kuávdáást Čevetjäävrist, kost lii Nuorttâlij ärbivyehitáálu. Ärbivyehitáálust já ton šiljoost leijee olgomuseost mij muštâlep nuorttâlij historjást já čaitâččep aassâm- já rähtimvuovijd kyevti sierâ äigipaajeest. Nuorttâlij ärbivyehitáálust lii meiddei uccâ museokävppi.

Nuorttâlij ärbivyehitáálu lii uđđâsisthuksimääigi puigâ sämitáálu olgoviäsuidiskuin. Táálu siste lii čáitáldâh, mii muštâl nuorttâlij elimist ovdil já tääl. Ärbivyehitáálu šiljoost lii puárásub rähtimärbivyevi čaitâččeijee olgomuseokuávlu, mon rakânâsah láá rahtum kirjálâš käldei já muštâlusâi vuáđuld. Tobbeen puáhtá uáiniđ ei. aassâmviäsuid, njoolâ, suovâsäävni já ärbivuáválâš nuorttâlâš vedijguin korrum kárbá.

Luuvâ lase Nuorttâlij ärbivyehitáálu pirrâ 
Uápásm nuorttâlij pirrâ muštâleijee nettičáitáldâhân

Siisâpeessâm nuuvtá
Ávusorroomääigih: 1.7. – 30.8.2022 vuo – vás tme 10-16

Ohtâvuotâtiäđuh
Nuõrttsaa’mi Ä’rbbvuõttpõrtt – Nuorttâlij ärbivyehitáálu
Sevettijärventie 9041, 99930 ČEVETJÄVRI
Puh. 0400 373015
Š-postâ: kolttaperinnetalo(at)samimuseum.fi

Nettičáitálduvah

Uusah-uv tiäđu Suomâ sämmilij pirrâ? Uápásm Säämimuseo pyevtittem nettičáitálduvváid!

Anarâš –  Anarâšah

Siijđoh muštâleh anarâšâi historjást já kulttuurist. Valjaas tiätupakkeet lii ohtâsâšpyevtittâs Anarâškielâ servijn. Siijđoh anarâškielân, suomâkielân já eŋgâlâškielân.

Ele Anarâš – Anarâšah -nettičáitálduvâst

Sää’mjie’llem – Nuorttâliih 

Siijđoh muštâleh nuorttâlij historjást já täpikulttuurist nuorttâlâškielân, suomâkielân já eŋgâlâškielân.

Ele Sää’mjie’llem – Nuorttâliih -nettičáitálduvâst

Eatnanšaddu

Eatnanšaddu-siijđost čáittojeh sämmilij kevttim luándušadoh, toi šoddâmpirrâseh já kevttimvyevih. Šaddotiätuvuáđun láá vyerkkejum suullân 50 luándušado tiäđuh.

Ele Eatnanšaddu -nettičáitálduvâst

 

Siida olgomuseo

Mii olgomuseost láá valjeest ääših tutkâmnáál. Kuávlust láá masa vittlov viässud já rakânâssâd, moh láá juohhum kulttuurkuávlu tâi kevttimulme miäldásijd juávhoid suullân 800 meetter kukkosâš suoppâinhámásâš pálgá piällás. Čuosâttuvah muštâleh Suomâ kuulmâ sämikulttuur kulttuurärbivyevist, rähtimärbivyevist já iäláttâsâin.

Kuávlu lii toovlášmuštolavváin (muinaismuistolaki) rávhuidittum. Tobbeen uážžu jotteeđ tuše merkkejum, lovdum pálgá mield.

 

Ávusorroomääigih

Olgomuseo lii áávus museo ávusorroomaaigij mield.

Jis kolliih Olgomuseo tälviv, kannat huámášiđ šoŋŋâtile meiddei kárvudâtmist. Oonâid tälvikárvudâtmân kaavnah VisitFinland nettisiijđoin.

Moobiiluápistem

Mij lep vuávám moobiiluápistem tievâsmittiđ Olgomuseo vuáđu-uápistem. Tast láá tiäđuh olgomuseo historjást já ton jieškote-uv čuosâttuvâin. Moobiiluápistem arkkâdâhkoveh, videoh já jienâpäädih virkosmiteh 12 olgomuseo čuosâttuv. Mij lep merkkim kolbâiguin čuosâttuvâid, moin kávnojeh QR-koodih ton čuosâttuv materialân.
Uápistem finnee tavesämikielân, suomâkielân já eŋgâlâškielân. Uápásm olgomuseo moobiiluápistmân. Väärrid čáitáldâhuápistem.