Säämimuseo aalmuglâš pargon lii vuorkkiđ säämi kulttuuräärbi Suomâst. Pargo váimusist láá mii čuágálduvah, moid kuleh tiiŋgah, čuovâkoveh, taaiđâ, olgomuseo viäsuh já arkkâdâh- sehe kietâkirjerájuamnâstuvah. Mij siäiludep, paijeentoollâp, tipšop já oovdânpyehtip jieččân čuágálduvâid sehe porgâp toid lahtojeijee tutkâmuš.
Čuágáldâhtooimâ linjee já stivree Säämimuseo čuágáldâhpoolitlâš ohjelm, mii peividuvvoo eidu tääl.
Liŋkkâ oovdeb version kávnoo tääbbin (suomâkielâst, pdf, 2 Mt).
Čuágálduvah stuáruh iänááš skeŋkkimijguin já dokumentistmáin aktivlávt onnáá peeivi almonijd. Mij árvuštâllâp tárkká čuágálduvâi vijđedem, ko čuágálduvah láá jo maaŋgâi oosij uáli viijđáseh. Čuovâkovečuágálduv stuárudmân mij tuáivup siärvusist eidu tääl eromâšávt 2000-lovo aalgâ čuovâkuuvijd vyeligis šiälmáin.
Čuágálduvváid puáhtá uápásmiđ Siidast já internetist
Mii čuágálduvváid, moh muštâleh jieškote-uv äigipaje sämikulttuurist já -uáinuin, piäsá uápásmiđ Siida váldučáitálduvâst já mulsâšuddee čáitálduvâin.
Säämimuseo čuágálduvâi aarnijd puáhtá še tutkâđ internetist Finna-tiätupalvâlusâst já tiiŋgâi 3D-maalijdkis Sketchfab-nettisiijđoin.
Äigikyevdilis tiäđu Säämimuseo čuágáldâhtooimâin kávná Siida nettisiijđoin sehe sosiaallâš mediast.
Čuágálduvah láá kevttei várás
Mii čuágáldâhpargo kuávdáš árvu lii siärvuslâšvuotâ. Pargo vuáđuduvá vuáruvaiguttâsân sehe siärvus uásálistmân museopaargon, ton vuávámân já oovdedmân. Säämimuseo čuágálduvah láá nuuvt tiätuäŋgiris aalmug ko eromâšávt toi aktivlijd kevtteid – sämisiärvus jesânijd já totkeid – várás. Mij halijdep jieččân čuágáldâhpargoost huámášiđ eromâšávt sii táárbuid já tuoivuid.
Säämi museo Siida nuávdit sämmilijd kyeskee tutkâmeettisiih ravvuid.
Mii čuágáldâhpargeeh västideh čuágálduvváid lahtojeijee äššigâskoččâmuššáid šleđgâpostáin já puhelimáin. Teevdi tutkâmušlopeluámáttuv, jis halijdah tutkâđ čuágálduvâi tiiŋgâid já čuovâkuuvijd. Vuolgât vuáláičaallum luámáttuv mijjân šleđgâpoostâ tâi poostâ peht.
Tutkâmušlopeluámáttuv já ravvuid tom tevdimân puáhtá luođđiđ tast:
- (Word, 83 kt) Tutkâmlopeucâmuš
- (Pdf, 275 kt) Tutkâmlopeucâmuš
Mij luoihâttep museotiiŋgâid eres museoid já kevttimčuágálduv tiiŋgâid meiddei eres tuáimeid. Mij tuáivup, ete väldivetteđ luoihâttemaašijn ohtâvuođâ puorijn aigijn.
Čuovâkuuvijn puáhtá tiiláđ digitaallâš kopioid. Digitaallâš kopioin peerrâp máhđulávt kovepalvâlem haddelisto miäldásijd máávsuid.