Puoh mii tiäđáttâsah kávnojeh mii suomâkielâlijn siijđoin.
Tavesämikielâliih tiäđáttâsah kávnojeh mii tavesämikielâlijn siijđoin.
Nuorttâlâškielâliih tiäđáttâsah kávnojeh mii nuorttâlâškielâlijn siijđoin.
Sämimuseo já Paje-Laapi luándukuávdáš Siida vijđedemhaahâ lii nuuhâm já vuáđupyeredem álgá. Siida puáris váldučáitáldâh purgejuvvoo já návt adeluvvoo saje uđđâ čáitáldâhân, mast kulttuur já luándu ovtâstuvá oovtâ olesvuotân. Siida paijeel 20-ihásâš váldučáitáldâh lii lamaš piivnoh. Sämimuseo já Luándukuávdáš Siida kijttá oovdeb Siida váldučáitálduv čáitáldâhpargojuávhu já rähteid fiijnâ čáitálduv oovdâst.
Säämimuseo Siida jođettem Muittut, muitalusat-the story of the sámi by the sámi -haavâ nettisiijđoh láá tääl áávus čujottâsâst www.muittut.com.
Aanaar markkânist orroo Sämimuseo já Paje-Laapi luándukuávdáš Siida lii stuorrâ nubástusâi vyelni. Rakânâs vijđedempargoh láá joođoost já kiđđuv 2021 älgih tááláá huksimuási vuáđupyeredempargoh. Vijđedem já vuáđupyeredem ohtâvuođâst uđâduvvoo meid Sämimuseo já Luándukuávdáá ohtsâš váldučáitáldâh. Siida-rakanâs, kote lii palvâlâm Sämimuseo, Paje-Laapi luándukuávdáá já Siida raavâdviäsu Anarist paijeel 20 ihheed, lii vijđedem vuálásâžžân. Tááláá váldurakânâs ohtâvuotân ráhtojeh Sämimuseo várás uđđâáigásiih čuágáldâhsajeh, mooid čäähih meid sämikáálvuh, moh mäccih Suomâ aalmuglâšmuseost. Raavâdviäsu várás ráhtojeh aaibâs uđđâ já pyerebeht tuáimee sajeh sierânâs suáján. Vijđedemuásih valmâštuvvojeh kiđđuv 2021.
Säämimuseo Siida lii siärvuslâš museo. Säämimuseo lii vuávám siärvusteivâdmijd čuágáldâh- já čáitáldâhpargo ooleest nuuvt sämikuávlust ko eres soojijn Suomâst. Koronaääigi teivâdmeh uárnejuvvojeh virtuaallávt káidusohtâvuođâi peht. Vuossâmuš virtuaallâš teivâdem lii anarâš eehid tuorâstuv 8.10.2020, kuás moonnâp čoođâ Aanaar kuávlust ive 1902 Suomâ aalmuglâšmuseo čuágálduvváid čoggum tiiŋgâid.
Säämimuseo já Paje-Laapi luándukuávdáá Siida-rakânâs vijđeduvvoo uđđâ nurâldâhtiilijn já raavâdviäsutiilijn. Huksimpargo vuolgij joton vyesimáánust 2020 eennâmkuáivumpargoin. Moonnâm ohhoost kávnojii täävtih huksimsaje paaldâst orroo lieggâpocceekuáivuttuvâst. Täävtih láá viehâ vissásávt suátifaaŋgâi täävtih nube maailmsuáđi ääigist.
Mij lekkâp puudâ maŋa uuvsâid almugân Säämimuseo já Luándukuávdáš Siidast vu 1.6.2020 tme 9.00. Siämmást álgá tááláá Siida majemuš toimâihe. Mij uđâsmittem lii tääl vijđedemmuddoost, já kollimeh Siidast luhostuveh táválávt vala taan kollee ive ääigi kiiđâ 2021 räi.
Sämimuseosiättus stivrâ lii čuákkimistis 18.3.2020 meridâm, et tot luámut čiččâm Sämimuseo Siida parged. Sämimuseost láá ohtsis 16 parged. Luámuttem suijân lii, et Sämimuseo já luándukuávdáš Siida lii kiddâ koronavirusepidemia tiet.
Sämimuseo já Luándukuávdáš Siida lii kiddâ 13.5.2020 räi koronavirusepidemia lavdâm tuástum já riskâjuávhui suojâlem tiet. Meid raavvâdviäsu Sarrit lii kiddâ 31.5.2020 räi.
Säämimuseo já Paje-Säämi luándukuávdáš Siida lii jotemin stuorrâ nubástusâi kulij: vijđedem, vuáđutivvoom, čáitáldâhuđâsmittem já čuágáldâhsirdemeh. Ovdil toid mij sappadijm koovjâid Siida nettisiijđoin. Mij uđâsmitijm www.siida.fi-siijđoid riskân já moobiilustevlâžžân sehe viiđâkielâlâžžân. Lasseen uđđâ siijđoin puáhtá tääl uástiđ liipuid čáitálduvváid.
Sämimuseo já Paje-Laapi luándukuávdáš Siida vuáđučáitáldâh uđâduvvoo já ton arkkitehtvuávájeijen lii väljejum hämivuávájeijee Harri Koskinen. Tááláš čáitáldâh uđâduvvoo Siida vijđedem já vuáđutivodem ohtâvuođâst. Uđđâ čáitáldâh valmâštuvá cuáŋuimáánust 2022.
