Bures boahtin Siidii joavkkuin

Sámit leat Eurohpá davimus ja Davviriikkaid áidna eamiálbmot. Davviguovllu luondu lea máŋgga láhkai áidnalunddot ja čáppat. Sámemusea ja luondduguovddáš Siiddas din joavku sáhttá oahpásmuvvat goappáge miellagiddevaš fáddái eakti birrasis, mii fállá fiinna muosáhusaid.

Heivehuvvon bálvalusat joavkkuide

Jos leat stuorát joavkkuin jođus ja smiehtadat galledit Siidda, de váldde áinnas oktavuođa! Mii fállat joavkovuoládusaid daidda, geat leat várren galledeami ovddalgihtii. Borramuša ja gáfe lea maid buorre várret ovddalgihtii, dasgo hohpolamos áigge min restoráŋŋa lea dávjá dievva. Mii ávžžuhat joavkkuide maid čájáhusoahpisteami, dasgo dan bokte beassá čiekŋut vel eanet min miellagiddevaš čájáhusaide.

Mii bálvalat hui mielas maid mátkkiid ordnejeaddjiid, geat ohcet Sámis muosáhusaid ja báikki, gos sáhttá oahppat. Mii veahkehat mielas čohkket áššehasaide miellagiddevaš ollisvuođa. Gallestallan sáhttá sisttisdoallat ee. oahpisteami, bargobáji, boradeami ja min temáide laktáseaddji ovdabuktima. Borademiin fuolaha min restoráŋŋa Sarrit. Mii sáhttit ordnet boradeami dahje prográmma maid Gámmes.

Várre joavkogalledeami

Joavkovárremat & oahpisteamit:
Siidda áššehasbálvaleapmi, tel. +358 (0)400 898 212, siida(at)samimuseum.fi

Joavkkuid boradeamit:
Restoráŋŋa Sarrit, tel. +358 (0)40 700 6485, ravintola(at)sarrit.inet.fi