Min fitnuid ulbmilin lea ovddidit sámemusea sisdoaluid ja doaibmavugiid ja buvttadit ođđa dieđu Suoma sámekultuvrrain. Iežamet fitnuid lassin mis leat oktasašfitnut dutkanlágádusaiguin ja turismadoibmiiguin.
Lassedieđut fitnuid birra:
Museahoavda Taina Pieski
taina.pieski(at)samimuseum.fi
Tel. 050 535 1574
Dálá fitnut
Virtuála Sápmi (VISA)
Sámemusea Siidda Virtuála Sápmi (VISA)-pilohttafitnus gárgehuvvo museai 3D-skánnema doaibmamálle, mainna ávkkástallojuvvo dan maŋŋá musea kulturbiras- ja čoakkáldatovttadagaid vurken-, searvvuš- ja čájáhusbarggus.
Loga eambbo
Máhccan – sámedávviriid repatriašuvdnabargu
Sámemusea Siidda “Máhccan – sámedávviriid repatriašuvdnabargu” -fidnus koordineret sámedávviriid máhcahemiid sámemuseai. Jagi 2025 áigge museai ráhkaduvvo repatriašuvdnastrategiija, mii stivre proseassaid ollašuhttima, áigetávvala ja resurssaid čuoziheami. Dan lassin prošeavtta olis lágiduvvojit sámeservošii dilálašvuođat ja logaldallamat, main gieđahallo repatriašuvdnabarggu ovdáneapmi ja dávvirat, mat máhcahuvvojit.
Loga eambbo
Čoakkáldagat muitalit
Sámemusea Siidda Čoakkáldagat muitalit – fidnus buvttaduvvojit sámegielat digitála materiálapáhkat vuođđooahpahusa geavahussii. Páhkaid sisdoalut vuođđuduvvet Sámemusea Siidda Finna dávvirčoakkáldagaide ja čájáhussisdoaluide, muhto daid lassin páhkain ávkkástallojuvvojit maiddái eará Finna-organisašuvnnaid sámesisdoalut, nugo čuovgagovat, arkiivamateriálat ja girjjálašvuohta.
Loga eambboNohkan fitnut
