Siidii oahppat

Sámemusea ja Badje-Sámi luondduguovddáš Siiddas beasat oahppat ja fuobmát. Siidda čájáhusat ja kultur- ja luonddudáhpáhusat fállet oahppanbirrasa, mat dorjot nubbi nuppi. Oahppanbiras heive maiddái skuvllaid iešguđet oahppofága ollisvuođaide. Jos háliidat oahppat vel lasi min čájáhusain, de sáhtát várret mis temáoahpistemiid. Mii fállat maid nuvttá hárjehusaid ja dievasmahtti oahppomateriála. Oahpásmuva maid min miellagiddevaš neahttačájáhusaide!

Lassedieđut temáoahpistemiin, dáin galgá máksit 
Sámi gávcci jagiáiggi
Digitála muitalusgiisá

Leairaskuvlii Siidii

Jos dollet davimus Sápmái ja áiggut leairaskuvlii, de Siiddas gánniha bisánit. Siiddas sáhttá oahpásmuvvat sámekultuvrii ja árktalaš lundui. Mis lea iešguđetlágan hárjehusat, maid sáhttá bargat juo ovdal go olle Siidii dahje mátkki alde Siidii. Oahpisteamit addet ođđa geahččanguovlluid čájáhusaide ja Siiddas sáhttá ádjánit vaikko máŋga beaivve. Mii veahkehat hui mielas plánet din dárbbuid miel sisdoalu dalle go boahtibehtet ja rávvet Davvi-Lappi buoremus vánddardanbáikkiid.

Lassedieđut leairaskuvllain: 

Áššehasbálvalus, tel. 0400 898 212, siida(at)samimuseum.fi
Meahciráđđehusa luonddubalvalusat, tel. 0206 39 7740, siida(at)metsa.fi
Anára turismarávven, tel. 040 168 9668, tourist.info(at)inari.fi 

 

Kultur- ja luonddubajásgeassin sáme- ja suomagillii

Mis lea min iežamet earenomášbargu Sámis. Mii bargat jeavddalaččat kultur- ja luonddubajásgeassinovttasbarggu ovttas guovllu skuvllaiguin ja mánáidgárddiiguin sáme- ja suomagillii. Mii dáppe luondduguovddáš Siiddas vástidat sámegielat riikkaviidosaš luonddubajásgeassimis Meahciráđđehusa Luonddubálvalusaid bealde.

 

Lassedieđut kultur- ja luonddubajásgeassimis

Sámemusea:
Aalmugtoimâvästideijee Pia Nikula, tel. 040 621 2663, pia.nikula(at)samimuseum.fi

Luondduguovddáš:
Earenoamášplánejeaddji Kirsi Ukkonen, tel. 0206 39 7746, kirsi.ukkonen(at)metsa.fi